RU

Последние новости

10:31Германияга етиб борган Жексоннинг "Бавария"га ўтиши бекор бўлди. Нега?  0 10:00Салоҳ АПЛ чемпионлигига асосий даъвогар жамоа номини айтди  2 09:32Украиналик футболчи учун курашда "Бенфика" ютиб чиқди  0 08:40Бухорога Суперлига ўйинларини қайтариш ҳаракати бошланди  4 08:17Sofascore. Захирадан майдонга тушган Ўринбоев энг катта баҳолардан бирини олди  4 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  1 07:25"Ал Иттиҳод" мавсумни йирик ғалаба билан бошлади. Бенземадан хет-трик  2 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  26 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  22 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  56 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1

Ёшларимизнинг Германияга қарши ўйини хусусида Новости

Ёшларимизнинг Германияга қарши ўйини хусусида

Жаҳон чемпионатида қатнашаётган ёшлар терма жамоамиз (U-20) бугун 2-тур баҳсини ўтказиб, Германиядан 0:3 ҳисобида мағлуб бўлди. Биринчи ўйинда ҳам мағлубият, иккинчисида ҳам. Фақат биринчи ўйиндан фарқли ўлароқ бу сафар ёшларимиз тўп кирита олишмади.

Агар ўйинга Германия ва Ўзбекистон деб эмас, балки "оқлар" ва "кўклар" баҳси деб қарайдиган бўлсак, "кўклар" бутун ўйин давомида ҳеч нарса қила олишмади. На бирон бир эсда қоларли хавфли вазият кузатилди, на дарвоза томон голга тортадиган зарба берилди. Қисқаси, "кўклар" рақиб олдида анча кучсиз экан. "Оқлар" эса тактик томондан жуда тартибли ўйнашди. Тўп оширишларда деярли хатолар кузатилмади. Жарима зарбаси маромида ижро этилди, қолган икки гол ҳам таҳсинга лойиқ бўлди. 

Биз кўпинча ёшларимиздан умид катта деган гапларни айтамиз. Лекин ўша ёшларни тарбиялайдиган ҳам катталар. Бугунги мағлубият учун футболчиларни айбламоқчи эмасмиз. Шунингдек, мураббийлар штабини ҳам. Ҳамма қўлидан келганча ҳаракат қилди. Албатта, биз учун бу ёқда ўйинни ТВ орқали кўриб фикр билдириш осон, лекин у ердаги вазият нима бўлаётганини билмаймиз. Гарчи йирик ҳисобда мағлуб бўлган бўлсак-да, ёшларимиз ҳартугул тартибли ҳаракат қилишди. Палапартиш ҳаракатлар, бўлар-бўлмас югуришлар кузатилмади. Фақат рақибда маҳорат юқори эканлиги шундоқ кўзга ташланиб турди. 

Германия ёшлар ўртасидаги амалдаги Европа чемпиони ҳисобланади. Ва уларнинг кўп ўйинчилари бундеслигада ўйнашади. Мана фарқ қаерда. Бугунги ўйинда ҳеч бир футболчимиз алоҳида ажралиб турмади. Ҳамма ўзига топширилган вазифани бажаришга ҳаракат қилди. Якуний ҳисоб борасида нима деймиз, иккала жамоа ҳам кўрсатган ўйинига яраша ўз насибасини олди. Ҳисоб адолатли бўлди. Ёшларимиз ҳақида нима дейиш мумкин? Уларга мураббий нима ўргатаётган бўлса, шуни бажаришяпти. Умуман бутун Ўзбекистонда мураббийлар қанақа ўргатса, футболчи шундай ўйнайди. 

Бугунги баҳсда Равшан Ҳайдаров таркиб ва тактика танлашда хато қилди деб ўйламаймиз. Бу мағлубият исталган бошқа мураббий билан ҳам содир бўлиши мумкин эди. Қанчалар танқид қилмайлик, ҳозирги футболимизнинг аҳволи шу. Биз ҳали профессионал даражага кўтарилганимиз йўқ. Биз ҳали рақибларни ютадиган даражага чиқмадик, ҳозирча фақат ўзимиз билан ўзимиз курашиб юрибмиз. Ёшларимизнинг аввало жаҳон чемпионатига чиққаниёқ катта воқеа. Олдимизда турган бирламчи вазифа имкон қадар Осиёда ўзимизни кўрсатиб, жаҳон ареналарига чиқиш бўлиб қолмоқда. Бизда футбол ҳали у даражада ривожланмаган. Бошқа ёшдаги терма жамоаларимизда ҳам шу аҳвол. Эрта-индин миллий ва олимпия терма жамоаларимиз хунук натижа қайд этадиган бўлса, бунгаям сира ажабланмаймиз. Чунки биздаги мураббийлар савияси ўзбек футболининг ҳозирги даражасини кўрсатиб турибди. Футболчи эса мураббий айтганини қилади, у то фаолиятини тугатгунга қадар ўқувчи бўлиб қолаверади. 


Х.Холиқов.

Рейтинг:    

Комментарии

championat.asia
< посмотреть последние новости
Яндекс.Метрика