Йоахим Лев: «Финалга чиқиш – ажойиб натижа»
30 июн 2017 08:45
Новости

Йоахим Лев: «Финалга чиқиш – ажойиб натижа»

Германия терма жамоаси бош мураббийи Йоахим Лев Конфедерациялар кубоги ярим финали доирасидаги Мексикага қарши ўйиндан сўнг (4:1) ўз фикрларини билдирди.

– Жуда тезкор ўйин бўлди. Мексикаликлар техник томонлама кучлилар, тўп билан жуда яхши муомала қилишади.

Футболчиларим ўйинни бошқаришди ва олдинга ўтаверишди. Кейинроқ тезлик бироз камайди ва хатолар пайдо бўлди. Аммо финалга чиқиш ажойиб натижа деб ҳисоблайман. .

– Чилига қарши ўйиндан олдин қандай фикрдасиз?

– Уларга қарши гуруҳ босқичида ўйнадик. Қийин ўйин бўлиши аниқ. Аммо унгача бироз дам олишимиз керак. Кейин финал ҳақида ўйлаймиз, – дейди Лев.