Ярослав Крушельницкий: "Малайзияда футболчиларни алдаш деган нарса йўқ"

- Малайзияда яхши мавсумни ўтказдим. Гарчи биринчи лигада тўп тепган бўлсам-да, савия жиҳатдан бизнинг олий лигадан қолишмайди. Гапларим ҳазил эмас. Кескинлик ва шиддат борасида керак бўлса олий лигамизни ҳам ортда қолдиради. Жамоамиз ўз олдига қўйган вазифани бажариб, биринчи лигадан олий лигага чиқди.

- Фарҳод Тожиев ва Садриддин Абдуллаев "Т-Тим" жамоаси билан шартнома имзолашди. Бу жамоа ўз олдига жиддий мақсадларни қўйган. Иккала футболчи ҳам Малайзияда ўзини кўрсата олишади. Менимча, ўзбекистонлик барча футболчилар Малайзия чемпионатида яхши ўйнаш олишади. Қолаверса, у ерда молиявий қийинчиликлар ёки алдаш деган нарса йўқ. Ҳисоб-китоб ишлари вақтида амалга оширилади, - дейди Крушельницкий "Футбол Экспресс" газетасига.