Ярим финалда кўпчилик кутмаган жамоаларнинг тўқнашувига назар (превью)

Бугунги спектакл режиссёри Юрген Клопп. Спектаклни номи - ЕЧЛ саргузаштлари. Кўпчиликни бугунги спектаклда римлик "гладиаторлар" томошабин бўлишадими ёки спектаклда роль ижро этишадими, деган савол ўйлантираётгани аниқ. Бу саволга аниқ жавобни эса тунда бошлаганидан спектаклда оламиз. Ҳар эҳтимолга қарши шуни қайд этиб ўтиш керакки, бу спектаклни иккинчи қисми Мерсисайддан Римга кўчади. Ундаги режиссёр ҳам катта эҳтимол билан ўзгаради. Ҳар ҳолда римликлар бугун шунчаки томошабин бўлиш учун Мерсисайдга келишмаётгани аниқ.

Ҳа, бугун ярим финалнинг дастлабки жуфтлигининг илк учрашуви. Аслида кўпчилик "Ливерпуль" эмас, балки "Сити" ёки "Рома" ярим финалга чиқишидан кўра "Барселона"га кўпроқ ишонишганди. Аммо Клоппнинг фалсафаси олдида Гвардиола ҳали ўқувчидек кўринди ва Римда Вальверде Ди Франческонинг ҳамласига жавоб беролмай эсанкираб қолди. Айнан шу жиҳатлар бугун финал остонасида "Ливерпуль" ва "Рома"ни кўриб туришимизга бош омил бўлди.

Кўпчилик бу жамоаларни ярим финалда кутишмаган бўлиши мумкин. Лекин улар бу йўлни муносиб босиб ўтишганига ҳеч ким шубҳа қилмаса керак. Буёғига эса ҳар иккала жамоа қандай машаққатли йўлни босиб ўтишганини ҳис этиб туришибди. Шу боисдан ҳам "Ливерпуль" ва "Рома" финалга чанқоқ ва иштиёқманд экани аниқ. Улар учун энди ортга йўл йўқ.

"Рома" жорий мавсум ЕЧЛда ҳақиқий уй жамоаси эканлигини бот-бот исботлаб келмоқда. Римликлар сафардаги фақатгина биргина баҳсда, яъни гуруҳдаги "Қорабоғ"га қарши учрашувда ғалаба нашидасини суришган. Қолган ўйинларда эса "Рома" меҳмонда ғалаба қозонмаган. Плей-оффдаги беллашувларда эса улар дастлаб меҳмонда имкониятни бой беришди ва кейинчалик Римдаги жавоб баҳсида вазиятни икки маротаба ўз фойдалари томон оғдиришга эришишди.
Хулоса шуки, "Рома" меҳмонда у қадар муваффақиятли ўйнай олмайди. "Рома"нинг жорий мавсум ЕЧЛдаги энг катта камчилиги шу. Ди Франческо жамоаси имкон қадар сафардаги ўйинларда гол уриб олишга интилади. "Рома"нинг устун томони шундаки, жамоа гарчи биринчи учрашувда ютқазаётган бўлсада, жавоб беллашувида вазиятни ўзгартира олмоқда. Демак жамоада характер мавжуд. Улар ўз мухлислари қаршисида янада қўшимча кучга эга бўлишади. Ҳозирча Римга сафар қилаётган жамоалар "Олимпико"да эсанкираб қолишмоқда.

"Ливерпуль"га ҳам деярли шу ташхисни қўйиш мумкин. Ушбу жамоа "Энфильд"да исталган жамоа учун қўрқинчли рақибга айланади. Юрген Клоппнинг агрессив ҳамда тажовузкор футболи қаршисида кўпчилик шошилиб қолмоқда. Натижада уларнинг ҳужумдаги босимлари туфайли рақиб мудофаа чизиғида парокандалик ва муаммолар пайдо бўлмоқда. Бу муаммоларни туғдираётган "Ливерпуль" ҳужуми "учлиги"даги Салоҳ, Фирмино ва Мане якуний нуқтани қўйишда ҳам анча сермаҳсул.

"Ливерпуль"нинг "Рома"дан устун биргина жиҳати, улар меҳмонда ҳам ўйнаш тажрибасига эгалар. Яъни, Клопп жамоаси учун айнан уй ёки меҳмонда деган тушунча йўқ. Шунчаки "Энфильд"даги муҳит жамоани икки ҳисса куч билан ўйнашларига замин яратади. Шунингдек, Клопп ва унинг бошқарувидаги жамоани маҳорати ҳам бу каби статусдаги ўйинларда қўл келади.

"Ливерпуль" учун биргина ноқулай жиҳат - "Рома"нинг ўйин услуби. "Рома" "Сити"дек фақат тўп билан ўйнашга, ўйинни ҳужум орқали қуришга катта урғу бермайди. Яъни Клопп бу баҳсда "Сити"га қарши ўйинда бўлгани каби катта бўш ҳудудлар уларга тақдим этилмаслигини билади. "Ливерпуль" энди "Рома"ни ҳимоя чизиғини ёриб ўтишига тўғри келади. "Рома" ҳимояда итальянча интизом ва тартиб билан ҳаракатланади.

"Рома" бугун рақибнинг ўйинидан келиб чиқиб ўйнайди. Яъни Ди Франческо Клоппнинг ўйин услубига мослашиб, жамоадаги мавжуд камчиликлардан фойдаланишга интилади. Римда эса вазият тақозо этса "Рома" ўз ўйинини ўтказишга ҳаракат қилиши мумкин.

Бугунги ўйинда "Рома"нинг илк вазифаси гол уриш. Меҳмонда урилган гол қиймати "Рома" учун муҳим. "Ливерпуль" эса нафақат ғалаба қозониши керак, балки ўз дарвозаси даҳлсизлигига ҳам алоҳида урғу беришга мажбур. Чунки жавоб баҳсида айнан шу жиҳат кўп ҳолларда ҳал қилувчи аҳамият касб этади.

Таркибдаги йўқотишлар борасида гапирадиган бўлсак, Клопп анчадан буён хизматларидан фойдалана олмаётган Матип, Лаллана ва Эмре Жан бугун ҳам учрашувда иштирок эта олишмайди. Эйсебио Ди Франческо эса фақатгина Дефрелнинг хизматидан фойдалана олмайди.

Ҳар иккала жамоа бош мураббийлари бугунги баҳсда катта эҳтимол билан тактик ўзгаришларга қўл уришмайди. Яъни жамоалар одатдагидек 4-3-3 схемасини қўллайди.

Ўзаро учрашувлар тарихи: ЕЧЛдаги эски танишлар
"Рома" ва "Ливерпуль" илк бор айнан шу мусобақа доирасида тўқнаш келишган. Ҳозирги босқич ярим финал бўлса, уларнинг дастлабки учрашуви финал бўлган. Ўшанда "Ливерпуль" пенальтилар сериясида "Рома"дан омадлироқ чиққани боис ғолибликни қўлга киритган. Кейинги тўқнашувлар эса 2001 йилги ЕЧЛ плей-офф босқичининг 1/8 финалига тўғри келган. Ўшанда дастлаб Римда ўтган ўйинда "Ливерпуль" устун келган бўлса, Мерсисайддаги баҳсда "Рома" ғалабани илиб кетган. Аммо якунда голлар нисбатига кўра кейинги босқичга "Ливерпуль" йўл олган. Кейинги улар тўқнаш келган бекат - ЕЧЛ гуруҳ босқичи. 2002 йили бу жамоалар битта гуруҳдан ўрин олишган. Шунда Римдаги ўйинда нурсиз дуранг қайд этилган ва "Ливерпуль" ўз уйидаги беллашувда ғалаба қозонган. Ҳозирча бу жамоалар ЕЧЛдаги тўқнашувлари фақат мерсисайдликларнинг фойдасига ҳал бўлган. "Рома" нафақат финалга чиқиш учун курашади, балки ЕЧЛдаги ўзаро ўйинлардаги нохуш серияга чек қўйиш учун ҳам талашиб кўради.

Шунингдек, бу жамоалар норасмий учрашувларда ҳам охирги йилларда уч маротаба дуч келишди. Ўтказилган учта ўртоқлик баҳсларининг барчасида "Рома"нинг қўли баланд келган.

Ливерпуль Мохамед Салах - 36', Мохамед Салах - 45', Садио Мане - 56', Роберто Фирмино - 61', Роберто Фирмино - 69'

Лига Чемпионов УЕФА. Плей-офф . Тур 1/2 24/04/2018, 23:45 2 : 5 Завершен

Рома Эдин Джеко - 81', Диего Перотти - 85'

Стадион: Anfield, 51236 зрителей

Главный судья: Феликс Брих

45'

90'

18'  Алекс Окслейд-Чемберлен (Джорджиньо Вейналдум)

36'  Мохамед Салах

36'  Роберто Фирмино

39'  Трент Александер-Арнолд

45'  Мохамед Салах

45'  Роберто Фирмино

56'  Садио Мане

56'  Мохамед Салах

61'  Роберто Фирмино

61'  Мохамед Салах

69'  Роберто Фирмино

69'  Джеймс Милнер

74'  Деян Ловрен

75'  Мохамед Салах (Дэнни Ингс)

85'  Джеймс Милнер

90'  Роберто Фирмино (Рагнар Клаван)

26'  Жуан Жезус

46'  Дженгиз Ундер (Патрик Шик)

67'  Даниеле Де Росси (Максим Гоналон)

67'  Жуан Жезус (Диего Перотти)

81'  Эдин Джеко

81'  Раджа Наингголан

85'  Диего Перотти

88'  Федерико Фасио

Открыть в Матч-Центре

"Ливерпуль": Кариус; Александер-Арнолд, Ловрен, ван Дейк, Робертсон; Окслейд-Чемберлен, Хендерсон, Милнер; Салах, Фирмино, Мане
Ўйнамайди: Лаллана (жароҳат), Матип (жароҳат), Эмре Джан (жароҳат)

"Рома": Алиссон; Флоренци, Манолас, Фасио, Коларов; Де Росси, Строотман, Наингголан; Перотти, Жеко, Дженгиз Юндер
Ўйнамайди: Карсдорп (жароҳат), Дефрель (жароҳат)