Хушнудбек Авилов: "Бир маротаба қилган бу хатоимни бошқа такрорлашни истамайман"

Хўш, нима сабабдан бундай ҳолат юз берди? Эндиликда фаолиятини қаерда давом эттиради? Футболчи бу борада фикрлари билан ўртоқлашди.

- Мавсум давомида кам учрашувда майдонга тушганингиз нима билан боғлиқ?

- Ха, тўғри айтдингиз. "Навбаҳор"да кўп ҳам тўп тепмадим. Лекин менга бошқача гап айтишганди. Марказий ҳимояда ўйнайсан, деб шартнома тузишганди. Лекин бунинг акси бўлди. Майдонга деярли тушганим йўқ.

- Давралар оралиғида "Андижон"га қайтмоқчи бўлган эдингиз...

- Буни ўзим истадим. "Андижон"га ёрдам беришни мақсад қилган эдим. Нега десаннгиз, кўпчилик мухлислар мендан норози бўлиб қолганди. Шунинг учун ҳам Андижонга қайтаман, деб тургандим. 

- Ҳозирда бу жамоа Про лигага тушиб кетди. Таклифларнинг қайси лигадан эканлиги ҳам қизиқтирадими? 

- Ҳозир Про лига ҳам Суперлигадан қолишаётгани йўқ. Буни кўриб чиқамиз. Бир маротаба қилган хатоимни яна такрорлашни хоҳламайман. 

- Захирада ўтириб ҳам пулингизни олиб ўтирсангиз бўларди. Лекин ўйин амалиётини устун қўймоқдасиз тўғрими?

- Тўғрисини айтаман. Қанча пул олманг майдонга тушмасангиз ёқмайди. Буни бир йил давомида билдим.

- "Навбаҳор" билан дўстона хайрлашдингизми? Одатда қишда футболчи ва клуб ўртасида маош, шартномалар билан боғлиқ муаммолар кўпаяди...

- Йўқ, ҳали пул масаласида рози қилишмади. Клубни қарзи бор. 

- Ўтган ойда хориждан таклиф ҳам келиб тушганди. Ҳозирда жараён қандай кетмоқда?

- Ҳозирда ўзимиздан жамоалар чиқяпти. 1-2та давлатлардан таклиф бўлганди. "Навбаҳор" қўйиб юбормади. 

Абдулазиз  Искандаров