Хитой Суперлигасида нима гап?
21 окт 2018 19:28
Новости

Хитой Суперлигасида нима гап?

Теги : Хитой

Хитойда Суперлига ниҳоясига етишига 4та тур қолди.

Кеча ва бугун чемпионатда 26-тур баҳслари ўтказилди. Кеча "Гуангжу Эвергранд" ўз майдонида "Бейжинг Ренхе"ни қабул қилиб йирик 6:1 ҳисобида ғалаба қозонди. Бугун эса Одил Аҳмедов тўп тепаётган "Шанхай СИПГ" сафарда "Жиангсу Сунинг" меҳмони бўлиб 0:0 ҳисобини қайд этди.

Мазкур ўйинда Одил Аҳмедов тўлиқ 90 дақиқа ҳаракат қилди. Чемпионат тугашига 4та тур қолган бир пайтда "Шанхай СИПГ" 59 очко билан биринчи ўринда кетяпти. Иккинчи ўринни эса 57 очко жамғарган ҳолда "Гуангжу" эгаллаб турибди. Очколар орасидаги фарқ атиги иккиталигини инобатга олсак, кураш охиригача кечади.