Воҳид Холбоев: "Уйдаги баҳслар осонроқ ўтади"
06 авг 2018 13:16
Новости

Воҳид Холбоев: "Уйдаги баҳслар осонроқ ўтади"

Ўзбекистон Про-лигасининг 19-тури доирасида "Ифтихор" (5:1) жамоасига қарши учрашувдан кейин "Нурафшон" бош мураббийи Воҳид Холбоев ўз фикрларини билдириб ўтди.

"Бир ойдан кейин биз кутган онлар бошланди. Бунгача Дукентда яхши тайёргарликлар олиб бордик. Кўплаб синов-назорат учрашувларида қатнашдик. Шундан кейин футболчиларнинг қандай ҳолатда бўлиши муаммо бўлиб турганди. Баҳс ўз майдонимизда ўтишини ҳисобга олсак, йигитларни бунга бошқачароқ тайёрлаш керак эди. Уйда ўйнагандан кейин албатта, ўйинни кўргани стадионга мухлислар келади. Айтмоқчиманки, ўз майдонида ўтадиган баҳслар нисбатан осонроқ бўлади. Бундан олдинги турда шу жамоага сафарда мағлуб бўлгандик. Унда ҳам ёмон ўйин кўрсатмагандик. Бу футбол, кимдир ютади, кимдир ютқазади.
Узоқ вақт ўйинларда танаффус бўлганидан кейин, барча футболчилар бир хилда тайёр бўлмайди. Барчанинг организми хар ҳил. "Ифтихор" ҳам ёмон жамоа эмас. Рақиблар бугун яхши ўйин кўрсатишди. Аммо, биз бугун рақибдан кўпроқ гол урдик. Чиройли ўйнаб, ғалаба қозонгани учун йигитларга раҳмат айтаман", - деди Воҳид Холбоев.