"Водий футболи": Бугунги ўйинлардан олдин

"Андижон": Андижонда охирги уч ўйинда "Металлург"ни мағлуб эта олмаганмиз

“Андижон” ва “Металлург”олий лигада жами 31 бора тўқнаш келган. Кичик устунлик “Металлург” томонида. 13та ўйинда бекободликларнинг қўли баланд келган. 10та ўйинда “бургутлар” ғолиб бўлишган. Яна 8та ўйинда дуранг натижаси қайд этилган.

“Андижон” ўз уйида 9 марта муваффақият қозонган. Водийда 5 бор дуранг қайд этилган. “Металлург” бу рақиб майдонидан фақат бир бор ғалаба билан қайтган (2011 йил). Охирги уч учрашувда “бургутлар” ўз майдонида “Металлург”ни мағлуб эта олмаяпти.

"Андижон" - "Металлург" учрашуви 16:00да "Соғлом Авлод" стадионида бўлиб ўтади.


"Қўқон-1912": Бугун "Локомотив"га қарши ўйин

“Қўқон-1912” ва “Локомотив” клублари бундан олдин олий лигада фақат бир марта тўқнаш келишган. Ушбу ўйин 2015 йилнинг биринчи даврасида бўлиб ўтган. Тошкентдаги “Локомотив” стадионида бўлиб ўтган учрашувда Темурхўжа Абдухолиқовнинг урган ягона голи ҳал қилганди – 1:0.

Учрашув 16:00да Қўқондаги "Марказий" стадионда бошланади.

 
"Навбаҳор": "Олмалиқ" билан 16-тўқнашув

Бу икки клубнинг йўллари олий лига ўйинларида 15 бор кесишган. Устунлик “Олмалиқ” томонида. 7та ўйинда “Олмалиқ”нинг қўли баланд келган бўлса, 5та учрашувда “Навбаҳор” ғолиб чиққан. Яна 3та баҳсда ғолиб аниқланмаган.

Олмалиқда ўтган 7та ўйиннинг тўрттаси “Олмалиқ”, иккитасида “Навбаҳор” ғалабага эришган. Битта ўйинда дуранг қайд этилган. Охирги икки ўйинда “Олмалиқ” ўз уйида 3тадан гол урган. "Олмалиқ" ва "Навбаҳор" ўртасидаги ўйин бугун соат 17:30да бошланади.