"Водий футболи". Кимсанов ва Бақоев кейинги турни ўтказиб юборади

"Андижон": Раҳмонов, Аъзамов ва Турсунов машғулотларга қўшилишди

“Андижон” жамоасини водий дербисида “Навбаҳор”га қарши ўйинга тайёргарлиги кечадан бошлаганди.

“Локомотив” билан бўлган аввалги турда майдонга тушмаган асосий таркиб ўйинчилари Расул Раҳмонов, Рустам Аъзамов ва Даврон Турсунов таркибга қайтган ҳолда машғулотларда астойдил шуғулланишмоқда. Турсунов дисквалификация туфайли аввалги турни ўтказиб юборганди. Аъзамов билан Раҳмоновда кичик жароҳат бор эди. Бу икки футболчини “Навбаҳор”га қарши учрашувда майдонга тушиши ҳозирча аниқ эмас. Уч кун давомида бош мураббий уларнинг имкониятига қараб бир қарорга келади.

Эслатиб ўтамиз, “Андижон” ва “Навбаҳор” жамоалари ўртасидаги беллашув 16 май куни бўлиб ўтади.


"Қўқон-1912": Жамоамиз "Шўртан"га қарши тайёргарликни бошлади

Кеча "Қўқон-1912" жамоаси ўз қароргоҳида йиғилиб навбатдаги ўйинга тайёргарликни бошлади. Рустам Абдуллаев бошчилигидаги жамоа 9-турда ўз майдонида Ғузорнинг "Шўртан" клубига қарши ўйнайди.

Ушбу учрашувда Жалил Кимсанов ўтказиб юборади. Сабаби футболчи ўтган турда "Қизилқум"га қарши баҳсда қизил карточка олганди.

Эслатиб ўтамиз, "Қўқон-1912" - "Шўртан" учрашуви 16 май куни бўлиб ўтади.


"Навбаҳор": Улуғбек Бақоев "Андижон"га қарши ўйнай олмайди

Наманганнинг "Навбаҳор" клуби кейинги тур водий дербиси доирасида "Андижон" меҳмони бўлади.

16 майдаги баҳсда Улуғбек Бақоев майдонга туша олмайди. Сабаби тажрибали ҳужумчининг олий лигадаги огоҳлантиришлари сони 4тага етди.