Винисиусни ирқий ҳақорат қилган "Севилья" мухлиси стадиондан қувилди

Баҳснинг сўнгги дақиқаларида Винисиус Жуниор рақиби Лукас Окампос билан кичик мунозарага борган пайти мухлис бразилияликка қарата ирқий камситишни кўрсатган. Баҳс якунланганидан кейин эса мезбон клуб раҳбарияти ўша мухлисни топиб, санкциялар қўллаб стадиондан ҳайдаб юборган.

"Трибунада ирқий ҳақоратлар қилган мухлиснинг шахси аниқланди ва полицияга хабар қилиниб, стадиондан қувиб юборилди. Ундан ташқари, мухлисга санкциялар қўлланилди ва трибунадаги мухлисликдан четлатилди.

"Севилья" исталган турдаги ирқий камситишларни қоралайди ва бу борада юқори ташкилотлар билан ҳамкорлик қилишга тайёр бўлади. Бу "Севилья" мухлисларига ҳам тегишли бўлади", - деди клуб баёнотида.