Винисиус Жуниор “Реал” билан шартномасини узайтирганига муносабат билдирди

“Бу ерда ўйнаш менинг орзум бўлган. Мен келган жойдан келиб чиққан ҳолда, бу даражага этишиш жуда қийин. 

“Реал Мадрид” футболчиси бўлиш нимани англатишини сўз билан ифодалаб беролмайман. Менинг ҳис-туйғуларимни фақат буни бошидан кечирганлар тушуниши мумкин.Мен барча жамоадошларим билан яхши муносабатдаман. 

Бизни бирлаштирадиган нарса шундаки, биз барчамиз дунёнинг энг яхши клуби вакили бўлишдан хурсандмиз. Вақт тез ўтиб кетмоқда, бу лаҳзалардан роҳатланиш керак”, — деди ҳужумчи.

Вини 2018 йилда, яъни, 18 ёшлигида "Реал" таркибида дебют қилганди. 6 мавсум мобайнида футболчи "қироллик клуби" таркибида 235 ўйинда қатнашиб, 63 гол урди. Жамоа билан у 9 совринга эга чиқди: ЕЧЛ, клублар ўртасидаги мундиалнинг иккита соврини, Европа Суперкубоги, ЛаЛига ва Испания Суперкубогидан иккитадан соврин ва Испания Кубоги.