Виллиан: “Барселона? Келажагимни “Челси”да кўраяпман”
13 янв 2019 10:04
Новости

Виллиан: “Барселона? Келажагимни “Челси”да кўраяпман”

Лондоннинг “Челси” клуби футбочлиси Виллиан АПЛ 22- турида “Ньюкасл” (2:1) устидан қозонилган ғалабадан кейин ўйин ҳақидаги фикрлари билан ўртоқлашди.

Бразилиялик футболчи учрашувда ғалаба голи муаллифи бўлди.

“АПЛда оддий ўйинлар бўлмайди. Биз яратилган вазиятларни голга айлантириш борасида ишлашимиз лозим. “Ньюкасл”га қарши беллашувда кўплаб вазиятлардан фойдалана олмадик. Аммо кейинги ўйинларда бу хатоларимизни тўғрилай оламиз, деб ўйлайман. Муҳими бу баҳсда характер кўрсатиб, уч очкони қўлга киритдик.

“Барселона”га ўтишими ҳақидаги гап сўзлар? Мен газеталарни ўқимайман. Нима ҳақида гапираётганингизни тушунмадим. Менинг келажагим “Челси”да”, дея Виллианнинг сўзларидан иқтибос келтирмоқда BTSport.

Жорий мавсумда 30 ёшли бразилиялик футболчи АПЛнинг 21 та учрашувида майдонга тушиб, 3 та гол урди ва 3 марта жамоадошларининг голларига ассистентлик қилди.

Ссылка :

Источник : BT Sport

Получайте новости прямо в Telegram!

Рейтинг: +3