Виктор Клишин "Оқ-тепа"да

Ишқибозларга яхши маълумки, 34 ёшли футболчи ўтган йили "Шўртан" ва "Қизилқум" жамоаларида ўйнаганди. Биринчи даврада ғузорликлар сафида 13та ўйин ўтказган Клишин иккинчи даврада "Қизилқум" либосида 3та учрашувда иштирок этди. Эътиборлиси Виктор ўтган мавсум ўз ҳисобига бирорта ҳам гол ёздириб қўйгани йўқ. Шу боис бўлса керак, навоийликлар у билан хайрлашишни маъқул топган кўринади. Олинган маълумотларга кўра, Виктор Клишин биринчи лига қатнашчиси "Оқ-тепа" йиғинига бориб қўшилган. Агарда унинг хатти-харакатлари бош мураббий Марат Мифтахуддиновга маъқул келса жамоа қолади.