Ван де Бек "Манчестер Юнайтед" билан хайрлашди
10 июл 2024 18:16
Новости

Ван де Бек "Манчестер Юнайтед" билан хайрлашди

"Жирона"га ўтиши кутилаётган "Манчестер Юнайтед" ярим ҳимоячиси Донни ван де Бек "қизил иблислар" мухлисларига мурожаат қилди.

Аввалроқ 27 ёшли нидерландиялик футболчининг трансфери ҳақида нуфузли инсайдер Фабрицио Романо маълум қилганди.

"Ҳурматли "Манчестер Юнайтед" оиласи! Бугун унутилмас кун, чунки клуб билан бўлган саргузаштим ниҳоясига етмоқда. Йиллар давомида қўллаб-қувватлаганингиз учун барчангизга раҳмат айтмоқчиман. "Юнайтед"га келганимда мени жуда яхши кутиб олишган ва бунинг учун миннатдорман!
Манчестер ҳар доим менинг юрагимда алоҳида ўрин эгаллайди. Барчангизга омад, яна кўришгунча!", – деб ёзди ван де Бек ижтимоий тармоқларда.

Ван де Бек "Манчестер Юнайтед"га 2020 йилнинг сентябрида "Аякс"дан 39 миллион евро эвазига ўтганди. Нидерландиялик футболчи ўтган мавсумнинг иккинчи қисмида ижара асосида "Айнтрахт"да ҳаракат қилди.

Футболчи манкунианликлар сафида жами 62 та ўйин ўтказиб, 2 та гол урди ва шунча голли узатмани амалга оширди.

Ссылка :

Источник : 90 min

Получайте новости прямо в Telegram!

Рейтинг: +2