Валентин Коваленко ҳакамлик фаолиятини якунлади
02 мар 2021 11:55
Новости

Валентин Коваленко ҳакамлик фаолиятини якунлади

Ўзбекистон Суперлига баҳсларида ишлайдиган арбитрлар ва уларга номзод бўлган ёш ҳакамлар учун январ-феврал ойларида ўқув-машғулот йиғинлари бўлиб ўтди.

Шунингдек, Футбол мутахассисларини тайёрлаш марказида (Video Assistant Referee) видео ёрдамчи ҳакамлар тайёрлаш бўйича мавсум олди сўнгги назарий-амалий семинар ташкил этилди.

VAR ҳакамлари майдондаги машғулотларда ФИФА VAR симуляторидан фойдаланган долзарб мавзуларда, ҳусусан жарима майдончасидаги қоида бузишлар, офсайд, тактик қоида бузарликлар бўйича ўз малакаларини оширди.

Семинар якунида таниқли ФИФА рефериси Валентин Коваленко ҳакамлик фаолиятини якунлаганлиги муносабати билан ЎФА махсус соврини билан тақдирланди. ЎФА биринчи вице-президенти Равшан Эрматов ҳамда футбол ҳакамлари ушбу мутахассис шаънига илиқ сўзларни айтиб, инcтрукторлик фаолиятида муваффақият ва зафарлар тилади.