"Валенсия" Ансу Фатини ўз сафига қўшиб олмоқчи

"Кўршапалаклар" бош мураббийи Карлос Корбераннинг шахсан ўзи ўйинчининг ўтишига қизиқмоқда. Мутахассис жамоага "юқори даражадаги вингер" керак деб ҳисоблайди ва Фати бунга мос тушади.

"Барселона" устози Ханс-Дитер Флик Ансуга ишонч билдирмаяпти. Каталонияликлар испанни қўйиб юборишга тайёр. "Валенсия" Фатини катта эҳтимол билан ижарага олади. Келишувга харид қилиш ҳуқуқи қўшилиши мумкин. Футболчи учун шунингдек "Севилья" ва "Бетис" даъвогарлик қилмоқда.