RU

Последние новости

23:02Суперлига. "Сўғдиёна" ва "Бухоро" муроса кўчасини танлади  13 22:45Та "Бавария" билан шартнома имзолайди. "Байер" ҳимоячини компенсация эвазига КЖЧга қўйиб юбориш таклифини кутмоқда  0 22:30ОПЛ. "Сабаҳ" ўз уйида ғалабага эришди, Раҳмоналиев захирадан ўйинга қўшилди  0 22:25CAFA U-17 Championship 2025. Ўзбекистон бир киши кам бўлиб Қирғиз Республикасини йирик ҳисобда мағлуб этди  3 22:00"Краснодар" ўз тарихида илк бор Россия чемпиони бўлди  3 21:21Аморим Гарначога янги жамоа қидиришни айтди. Футболчи Европа лигаси финалидан кейин МЮ устозидан норози бўлганди  7 21:10Ла Лига. "Реал" сўнгги ўйинда Мбаппенинг дубли эвазига "Реал Сосьедад"ни мағлуб этди, "қироллик клуби" мавсумни иккинчи ўрин билан якунлади  23 20:59Суперлига. "Нефтчи" ўз майдонида бир киши кам "Шўртан"ни йирик ҳисобда енгди  29 20:38РПЛ. Файзуллаев захирадан тушиб ассист қайд этган ўйинда ЦСКА ғалабага эришди, Ашурматов "Рубин" ғалаба қозонган ўйинда захирадан ўйинга қўшилди, "Акрон" эса...  12 20:34"Истиқлол" — "Санат Нафт". Таркиблар маълум  0 19:01"Ньюкасл" кейинги мавсум учун уй либосини тақдим этди  0 18:38Ҳакамларимиз Қозоғистон – Қирғиз Республикаси аёллар терма жамоалари ўртасидаги учрашувни бошқариб боришади  0 17:39“CAFA U-17 Championship 2025” бошланмоқда  4 16:50АПЛнинг якунланаётган мавсумдаги энг яхши ўйинчиси аниқланди  4 16:21"Футбол олами". Ўзбекистон кубоги 1/8 финал жуфтликлари маълум  1

Вадим Абрамов: "Саудия Арабистонидан олдин Яман ва Сингапурни ютишни ўйлашимиз керак" Новости

Вадим Абрамов: "Саудия Арабистонидан олдин Яман ва Сингапурни ютишни ўйлашимиз керак"

Хабарингиз бор, 5 июнь куни ОФК ЖЧ-2022 саралаш босқичининг янги саналарини маълум қилди.

Унга кўра, Ўзбекистон миллий терма жамоаси шу йилнинг 13 октябрь куни Яман меҳмони бўлади, 12 ноябрь куни ўз майдонимизда Сингапурни қабул қиламиз ва 17 ноябрь куни сафарда Саудия Арабистони биан куч синашамиз.

Кўриб турганингиздек, ушбу босқичда учта ўйин қолган ва шундан иккитасини сафарда, биттасини уйда ўтказамиз. Янги тақвим маълум бўлгач, миллий терма жамоамиз бош мураббийи Вадим Абрамовдан қисқача интервью олдик.


- Вадим Карленович, ОФК эълон қилган ЖЧ-2022 саралаш баҳсларининг янги тақвими бўйича фикрингиз? 

- Энг муҳими, ўйинлар қачон бўлиб ўтишини вақтлироқ билганимиз бўлди. Албатта, октябргача ҳали вақт бор ва бизда яхши тайёргарлик учун имкон бўлади деб ўйлайман. Энг муҳими эса ўша пайтга келиб терма жамоанинг қандай ҳолатда бўлиши. 


- Навбатдаги учта ўйинга тайёргарлик қай тарзда олиб борилади? 

- Бу борада дастлабки йиғинни сентябрь ойида ўтказишни режалаштирганмиз. Чунки буёғига Суперлига клублари тиғиз тақвимда ўйнайди ва ёзда терма жамоани йиғишга фурсат бўлмайди. Сентябрда эса ФИФА кунлари бор. Шу боис кузнинг биринчи ойида илк йиғинни ўтказмоқчимиз. Ушбу йиғин чоғида ҳеч бўлмаса битта ўртоқлик учрашуви ўтказишга ҳаракат қиламиз. 


- Тожикистонга қарши ўртоқлик учрашуви ўтказишимиз мумкин экан. 

- Ҳа, шундай гап бор ва бу борада иш олиб бориляпти. Лекин расман аниқ бўлмагунча бир нарса дейиш қийин. Жаҳон чемпионатига саралашни 13 октябрдан давом эттирамиз, шу куни сафарда Яман меҳмони бўламиз. Бу ўйингача ҳам битта ўртоқлик учрашуви ўтказишни режа қилганмиз. 


- Вазият шундайки, биз қолган учта ўйиндан иккитасини сафарда, асосий рақибимиз Саудия Арабистони эса тўртта ўйиндан учтасини ўз майдонида ўтказади. 

- Энг муҳими, биз сафарда Яманни ютиб келишимиз керак. Чунки бу ўйинга кўп нарса боғлиқ. Мен вазиятни яхши тушуниб турибман, бизда учта ўйин қолган, саудияликларда эса тўртта. Лекин бу билан ваҳимага берилиш керак эмас. Энг муҳими, биз улардан бир очко олдиндамиз. Агар Яман ва Сингапурни мағлуб этсак, Саудия Арабистонига кўтаринки кайфиятда йўл оламиз ва уларни ҳам ютиб келишга ҳаракат қиламиз.


- Билмадим, бу саволни бериш қанчалик тўғри ё нотўғри. Шунга қарамай, сизнинг фикрингиз ҳам қизиқ. Яқинда Ўзбекистон терма жамоасини Усмон Тошев бошқариши мумкинлиги ҳақида гап чиқди? 

- Ҳа, мен ҳам бу ҳақда эшитдим. Лекин нима дейишим мумкин? Бу саволни яхшиси шу хабарни ёзган Шаҳбоз Беғамовга беринг. Чунки хабарни ёзган у. Шу боис гап нимадалигини мендан яхши билади.

Х.Холиқов суҳбатлашди.

Рейтинг: +52   

Комментарии

championat.asia
< посмотреть последние новости
Яндекс.Метрика