RU

Последние новости

20:08Осиё Кубоги саралаши. Лаос - Ўзбекистон  0 20:00"Динамо" – "Нефтчи" 0:0 (матнли трансляция)  2 19:11Ўзбекистон Кубоги. "Пахтакор" – "Олимпик-MobiUz", "Хоразм" – "Навбаҳор"  1 18:50Куртуа Трент ҳақида: "Унинг жарима зарбалари ва бурчак тўплари – бошқа даражада, бундай техникaни ҳеч қачон кўрмаганман"  1 18:27Эшитдик-да! Шацких "Пахтакор"дан икки андижонлик футболчини "Андижон"га олиб келмоқчи  14 17:49Клублар ўртасидаги Жаҳон чемпионатида қайси жамоа ғолиб бўлади? Opta жавоб берди  11 17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  2 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  1 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  4 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  7 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  4 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  10 12:15Гёкереш инглиз клуби билан келишиб олди  2 11:47Факт: Вадим Абрамов жамоаси Виталий Левченко бошқараётган "Нефтчи"ни ҳали ютмаган  10

Вадим Абрамов: "Бизда ҳали жамоавий ўйин шаклланмаган" Новости

Вадим Абрамов: "Бизда ҳали жамоавий ўйин шаклланмаган"

Суперлига 17-тури доирасидаги «Динамо» - «Бунёдкор» (1:2) ўйинидан кейин дастлаб Вадим Абрамов матбуот анжуманида иштирок этиб, журналистлар саволларига жавоб қайтарди.





- Нима ҳам дердим, ёмон ўйнаяпмиз, шу боис натижаларимиз ҳам яхши эмас. Биринчи бўлимни жуда ҳам ёмон ўтказдик, шунга қарамай гол киритиб, ҳисобда олдинга чиқдик. Иккинчи бўлимда эса йўқ жойдан гол ўтказаяпмиз. Агар яратилган вазиятларимиздан фойдалана олганимизда, эҳтимол ўйин бошқача кечарди. Ҳозирги вазиятда ўйин жиҳатдан ҳам ёмон кўринаяпмиз. 

- Иккинчи бўлим кўрсатдики, «Динамо» жисмонан ёмон аҳволда. Бу фикрга қўшиласизми ёки бизга шундай кўриндими?

- Шубҳасиз, фикрингизга қўшиламан. Шу сабабли ҳам биз сўнгги ўриндамиз. Статистикани алдай олмайсан. Ҳаммадан кам гол киритиб, ҳаммадан кўп гол ўтказиб юборганмиз. 

Жамоада учинчи ўйинимни ўтказяпман ва учинчи ўйиндирки дарвозамиз томон пенальти қўйилмоқда. Вазиятларда ўзимизга ишонмай, хатоларга йўл қўйиб, жарима майдони ичида ўйин қоидасини бузаяпмиз ва ўз дарвозамизга пенальти олиб келяпмиз. 

- Жамоада иш бошлашдан аввал вазиятни таҳлил қилгансиз, қандай таваккалга қўл ураётганингизни билгансиз. Буёғига ҳозирги вазиятдан қандай чиқиб кетмоқчисиз?

- Буни вақт кўрсатади. Жамоани лигада олиб қолиш имконияти пайдо бўлиши учун камида 5та ўйинда ғалаба қозонишимиз керак. Аммо биз қўл остимдаги дастлабки уч ўйинда мағлуб бўлдик. Олдинда 9та ўйин қолди. Ҳозирча олдинда ёруғлик кўринмаяпти, кўрамиз.

- Бугун гол муаллифига айланган Шоҳрух Абдураҳмоновнинг ўйинини қандай баҳолайсиз?

- Шоҳрух – умидли футболчи, аммо унутмаслик лозимки ҳар бир футболчи ҳам жамоавий ўйиндан келиб чиқиб, ўйнайди. Фақат бир киши майдонда жанг қила олмайди. Бизда ҳали жамоавий ўйин йўқ. Афсуски, йигитлар майдонда катта ҳажмдаги ишни бажаришмоқда, аммо югуриш шарт бўлмаган, шунчаки ақл билан иш кўриш лозим бўлган жойда бундай қила олишмаяпти. Шунга ачинаман. Тўпни олгач ҳам, майдонда очилиб, бир-биримизга ёрдам бермаяпмиз. Футбол бундай ўйналмайди, ахир. 

- «Динамо» қўл остингиздаги 3та ўйинда ҳам майдонда биринчи рақамли жамоа бўлиб ўйнашга интилди, ҳаттоки «Сўғдиёна»га қарши баҳсда ҳам. Одатий тактикангизга қарши бориб, ҳимоядан ўйнаш ҳақида ўйламаяпсизми?

- Албатта, ҳимоядан ҳам ўйнаш мумкин, агар сизда ҳимоячилар етарлича бўлса. Аммо бизда кимлар ҳимояда ўйнаётганига қаранг. Мана бугун ҳам 1:0 ҳисобида олдинда бораётганда, олдинга югуринг деганимиз йўқ, аксинча ҳимоядан ўйнаб, қарши ҳужумда ўйнаш талаб этилганди. Мана, ҳимоядан ўйнашга қарор қилдик ва 5 дақиқа ичида иккита гол ўтказиб юбордик. Бу нимадан далолат? Кўрамиз, олдинда нима бўлишини вақт кўрсатади.

Рейтинг: -5   

Комментарии

championat.asia
< посмотреть последние новости
Яндекс.Метрика