RU

Последние новости

00:42CAFA Nations Cup-2025. Энг яхшилар аниқланди ва ғолибга соврин топширилди  1 00:30Муҳаммадрасул Абдумажидов Бельгия клубига ўтмайди  0 00:14Славен Билич Ўзбекистон терма жамоаси бош мураббийига айланиши мумкин  16 00:05Тимур Кападзе: "Эрон терма жамоаси қачон рози бўлган ўзи?"  75 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1009 20:32Шавкат Мирзиёев Жанни Инфантинога “Дўстлик” орденини топширди  16 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  10 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  9

Устоз Ойбек Юнусов 50 ёшда! Новости

Устоз Ойбек Юнусов 50 ёшда!

2004 йил биринчи семестр якунига етиш олдидан курс раҳбаримиз журналистика факультети талабаларини амалиётга бўлиб чиқа бошлади.

Шунда мен, ҳозир "Пахтакор"да фаолият олиб бораётган Беҳзод Назаров ва яна бир дўстимиз, Камолиддин Абдуллаев билан "Ўзбекистон футболи" газетасини танладик. У пайтлар ўқишимиз Тошкентнинг "Бешёғоч" мавзесида жойлашган эди, газета эса Беруний метро томонларда, анча ичкар маҳаллада.

2003-2004 йиллар газетанинг қайта туғилган ва гуллаган даври сифатида ёши катта ўқувчилар билсалар керак. У пайтлар интернет тушунчаси ҳали биз талабаларда шакилланиб улгурмаган. Барча ахборотни газеталардан олардик. 2004 йил сўнггида Миржалол Қосимовни "Машъал"га ўтганлиги ҳақидаги илк янгиликни ҳам айнан шу газетадан ўқиб билган эдим.

Бу газетага бўлган ҳурматимиз катта эди. Ўшанда газетани бош муҳаррири бошқа киши бўлсада, асосий ишни Ойбек ака Юнусов бажарар эдилар. Бизни илқ кутиб олдилар ва мақолаларимизни кузатиб бориш, кези келса газетада чоп этишларини айтдилар. У пайтларда спорт журналистикасидаги дўстларимиз билан бугунгидек тайёр маълумотларни кўчириб бормас эдик. Қиш бўладими, жазирама иссиқ, автобус, стипендия олган бўлсак "маршруткага" ўтириб ТТЗ бўладими, "Пахтакор" ёки ЖАР стадионидаги ўйинлар, ҳеч бирини қўйиб юбормасдик.

Шу тариқа Ойбек ака билан танишдик. Кейин кўп тадбирларда шогирд сифатида қатнашдик. Футбол ўйинларида улар дарвозабон вазифасини бажарар эдилар. "Ўзбекистон футболи" футбол жамоаси ёшлар эвазига анча кучайиб олган эди. Кейинчалик мен интернет журналистикасига ўтиб кетдим, аммо Ойбек ака билан бўлган устоз ва шогирд муносабати асло тўхтамади.

Ойбек Юнусов барчамиз қадрлайдиган устоз Ахбор дода Имомхўжаевнинг энг яқин шогирдларидан бири ҳисобланадилар. Шунинг учун Ахбор дода қаерга бормасинлар, албатта Ойбек ака ёнларида бўладилар. Сўнгги йилларда мени ҳам ўз сафларига қўшиб олишди. Бу икки инсон билан Америкага пиёда борсангиз ҳам зерикмайсиз. Олис йўл, уларнинг ҳаётий ҳикоя ва ҳангомалари билан тезда босиб қўйилганини билмай қоласиз.

Бугун Ойбек ака 50 ёшни қарши олдилар, юбилей! Сайтимиз ижодкорлари номидан устозни табриклаймиз!


Нодирхўжа Юлдашев


Рейтинг: +3   

Комментарии

championat.asia
< посмотреть последние новости
Яндекс.Метрика