Уммонга Мақсудов жамоаси боради

Жумладан, шу пайтгача мавҳум бўлиб турган жамоада ким бош мураббийлик қилишини билиб олдик. Уммонда бўлиб ўтадиган 22 ёшгача бўлган терма жамоалар Осиё чемпионатида шу йил ёзда Туркияда ўтказилган ёшлар мундиалида қатнашган футболчилардан иборат жамоа бориши эълон қилинди.

Олимпия терма жамоасига Шуҳрат Мақсудовнинг бошчилик қилиши тўғрисида билиб олдик. Уммондаги мусобақага эса қайси ёшдаги футболчиларнинг бориши ҳам сўроқ остида турганди. 1991 ва 1992 йилда таваллуд топган ўйинчиларми ёки 2016 йилги Олимпиадада қатнашиш мумкин бўлган жамоами? Охири ўтган йили кўпроқ ўйин амалиётига эга бўлган 1993 йил ва ундан кейин туғилган футболчилардан иборат терма жамоанинг биринчи марта ўтказиладиган 22 ёшгача бўлган жамоалар Осиё чемпионатида иштирок этиши маъқул деб топилди. Яқин орада йиғин ўтказилмаган бўлишига қарамай, айнан ушбу ёш тоифасидаги футболчилар ўтган йили мундиалда қатнашишди. Шу сабабли қисқа муддат орасида ўша жамоа ўйинчиларини яхшироқ ҳолатга келтириш имконияти мавжуд. Қолаверса, навбатдаги чемпионат 2015 йил Рио Де Жанейро Олимпиадаси йўлланмаси учун бўлиб ўтади. Шунда Уммондаги чемпионатда орттирилган тажриба бу жамоага янада қўл келиш эҳтимоли кучли. Ўз навбатида рақиблар январь ойида бўладиган мусобақага биздан 2 ёш каттароқ футболчилар билан ўйнаган тақдирда навбатдаги биринчилик арафасида мавқеимизни тушириб юбориш хавфли мавжуд. Чунки кейинги чемпионат учун жамоалар саватларга жойлаштириш қай тартибда бўлиши ҳали маълум эмас. Лекин қолган термалар қандай таркиб билан келиши ҳозирча маълум қилинмаган. Регламентга кўра, 1991 йилдан бошлаб туғилган футболчилар ўйинларда иштирок эта олади.

Беҳзод Назаров.