Улуғбек Бақоевни табриклаймиз!
28 ноя 2018 12:41
Новости

Улуғбек Бақоевни табриклаймиз!

Бухоро футболи ҳақида гап кетганида, Улуғбек Бақоев номини ҳам эслаб ўтиш лозим бўлади.

Футболчилик даврида тўпурарлик маҳорати эвазига минглаб ишқибозлар қалбидан жой олган Бақоев, ўтган йил мураббийликдаги дастлабки қадамларини ташлаб, бу борада ҳам қисман бўлсада ўзини кўрсатишга эришди.

Бугун “Бухоро” футбол клуби бош мураббийи Улуғбек Бақоевнинг туғилган куни. "Бухоро" устози ўзининг 40 ёшини қарши олмоқда. Шу муносабат билан “Бухоро” футбол клуби раҳбарияти, мураббийлар штаби, футболчилар ва клубнинг барча ишчи-ходимлари Улуғбек Истамовични таваллуд айёми билан муборакбод этади.

У кишига узоқ умр, сиҳат-саломатлик, оилавий хотиржамлик ва мамлакатимиз футболини ривожлантириш йўлидаги фидокорона ишларида улкан муваффақиятлар тилаймиз.