Улуғбек Бақоев: "Бухоро"да қоламанми? Шартномам йил якунида тугайди..."

- Тўғрисини айтсам, биринчи бўлимнинг дастлабки 15 дақиқасида нима руй берганини тушунмадим. "Локомотив" ҳақли тарзда ғалаба қозонди. Уларни бу билан табриклайман. Иккинчи таймда эса ўйин тенг курашлар остида кечди.
Дарвозабон? Иккита голдан кейин Турсунбоев руҳан синди ва шу боисдан уни алмаштиришга қарор қилдим.

Бугун ҳимоядан ўйин ташкил қилдик. Чунки "Локомотив" юқори салоҳиятли жамоа. Ҳозирги кунда биз "Локо"га қарши ҳужумкор футбол ўйнашга тайёр эмасмиз. Айни пайтда куч жиҳатдан улар биздан устун.

Келажак ҳақида ҳали ўйлаб кўрганим йўқ. Мавсум тугагач бу ҳақда ўйлаб кўрамиз. Жамоада қоламанми? Билмадим. Шартномам йил якунида ниҳоясига етади. Клуб раҳбарияти билан бу борада гаплашиб оламиз.

Чемпионатда ким иккинчи ўринни эгаллайди? Сиз мени тахминимни билмоқчимисиз? Тўғриси, мен иккинчи ўрин учун курашдаги рақобат ҳақида фикр билдиргим келмаяпти.

Менга қайси ҳужумчилар ёқади? Игорь Сергеев мен ёқтирган ҳужумчилар сирасига киради. У нафақат голлар уради, балки майдонда кенг кўламдаги ишни бажаради. Шунингдек, Баҳодир Насимов ҳам яхши ҳужумчи.