Улуғбек Бакаев: “Арал” кучли иштиёқ эвазига ғалаба қозонди”

- Ўйин ҳақида

- Биринчи навбатда “Арал” жамоасини ғалаба билан табриклайман. Албатта бугунги ўйинда ғалаба қозониб, 3 очкога эга чиқишни мақсад қилгандик. Бироқ, якуний натижа бизнинг мағлубиятимизни кўрсатмоқда. Бу мағлубиятга сабаб сифатида 2 та факторни кўрсатишим мумкин. Биринчиси, мезбонлар, яъни “Арал” жамоаси ғалабага бўлган кучли иштиёқ билан ўйнади. Иккинчиси, ўтган ўйиндаги “Машъал” билан мағлубият жамоа руҳиятига таъсир кўрсатди. Умумий ўйин учун йигитларга рахмат айтаман, ёмон ўйнаганимиз йўқ.

- “Арал” жамоасининг бугунги ғалабасини қандай баҳолайсиз?

- Айтиб ўтганимдек, жамоада ғалаба учун кучли иштиёқ бор эди. Учрашувнинг сўнги қисмида гол ўтказиб юбордик ва бу мағлубиятимизга сабаб бўлди.

- Бугунги учрашув бўлиб ўтган майдон ҳақида фикрингиз?

- Яхши майдон, мухлисларнинг зўр атмосфераси. “Арал” жамоаси бугун янги майдонда илк учрашувини ўтказди ва иштиёқ эвазига ғалабага эришди.