Уэйн Руни ҳимоячига айланиб бормоқда(ми?)
06 сен 2016 11:49
Новости
Уэйн Руни ҳимоячига айланиб бормоқда(ми?)
Баҳс 1:0 ҳисобида инглизларнинг ғалабаси билан якунланди, аммо учрашувдаги ягона гол ўйинга қўшиб берилган сўнгги дақиқаларда урилди.
"Манчестер Юнайтед" форварди Уэйн Руни ҳимоя, ярим ҳимоя ва ҳужумда жамоадошларига ёрдам бериши билан кўпчиликнинг меҳрини қозонган. Аммо сўнгги ўйинларда бу ҳаракатлар танқидларга сабаб бўлмоқда.
"DailyMail" тақдим этган таҳлилий суратларда "уч шерлар" ҳужумчиси Руни форвард жойида эмас, балки ярим ҳимоячи ва хатто ҳимоячи ролида ўйнагани кўриниб қолган.
Ўтган ҳафта "Халл Сити"га қарши АПЛнинг 3-тур ўйинида "Манчестер Юнайтед" футболчиси рақиб майдони ичида бор-йўғи 8 маротаба тўпга теккан. Словакияга қарши баҳсда эса Руни рақиб жарима майдончасида тўп билан ўйнамаган.

Словакияликлар билан учрашувда Рунининг ёрдамисиз қолган маказий ҳужумчи Гарри Кейн 82-дақиқада алмаштирилди. Дэниел Старриж унинг ўрнига майдонга тушди. Бу "шпорлар" ҳужумчиси учун катта руҳий зарба бўлиши мумкин.

Инглиз нашри тақдим этган яна бир суратда Руни ҳимоячидан ҳам орқароқда тургани акс этган. Жон Стоунс Англия терма жамоасининг марказий ҳимоячиси ҳисобланади, аммо Руни худди сўнгги ҳимоячидек жой эгаллаган.

Учрашувдан кейинги матбуот-анжуманида Англия терма жамоаси устози Сэм Эллардайсдан Рунининг позицияси ҳақида сўрашди.
"Руни майдонда ўзи истаган позицияда ўйнади, у марказни бошқарди. Мен Уэйнга бу ерда ёки бошқа ерда ўйна дея олмайман, чунки у мендан кўра кўпроқ халқаро тажрибага эга. У яхши ўйнади, аммо уни ҳужум чизиғида кўрмоқчиман" - деди Эллардайс.
Похожие новости
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Breaking! Бозоров, Алибоев, Рўзиев ва Холмуродов терма жамоадан чақирув олди
Комментарии