U-23 Осиё чемпионатида Ўзбекистондан қайси жамоа иштирок этади?

Мазкур тадбирда Ўзбекистон U-23 терма жамоаси бош мураббийи Равшан Ҳайдаров ҳам иштирок этди. Биз саралаш баҳсларида қайси терма жамоа иштирок этиши ҳақида Равшан Ҳайдаровнинг фикрлари билан қизиқдик.

Мураббийнинг сайтимиз мухбирига маълум қилишича, ушбу масала ҳали аниқ эмас. "Бу масалалар иш жараёнида бўладиган ҳолат. Бу нарса кейинроқ маълум бўлади", — деди Равшан Ҳайдаров.

Унинг фикрича қўл остидаги футболчилар учун халқаро мусобақа зарур. Шу жиҳатдан U-23 терма жамоаси мазкур мусобақада қатнашгани маъқул.

Маълумот учун, аввалроқ ЎзПФЛ бош директори Диёр Имомхўжаев телеграм-каналида Тимур Кападзе бошқарувидаги "Олимпик" жамоаси нисбатан ёшроқ бўлса-да, саралаш баҳсларида Ўзбекистон шарафини ҳимоя қилиши кутилаётган эканлигини ёзган эди.

Сайтимиз мухбири изоҳ олиш учун Тимур Кападзе билан боғлана олмади.