U-23 Осиё чемпионати. Келаси йил юртимизга ташриф буюрадиган жамоалар 5тага етди
31 окт 2021 13:24
Новости
U-23 Осиё чемпионати. Келаси йил юртимизга ташриф буюрадиган жамоалар 5тага етди
Шу кунларда Осиё қитъаси бўйлаб ушбу мусобақа учун марказлашган тартибдаги саралаш баҳслари бўлиб ўтмоқда. Япония ёшлар терма жамоаси U-23 Осиё чемпионатига биринчи бўлиб йўлланмани нақд қилганини айтиб ўтгандик.
Ҳозирги пайтга келиб Япония U-23дан ташқари яна тўртта жамоа U-23 Осиё чемпионати йўлланмасини қўлга киритди. Булар - Қувайт, БАА, Австралия ва Малайзия.
Тимур Кападзе бошқарувидаги Ўзбекистон ёшлар терма жамоаси Тошкентда бўлиб ўтаётган саралаш босқичида конкурсдан ташқари қатнашаётганини яхши биласиз. Вакилларимиз дастлаб Саудия Арабистони билан 2:2 ҳисобини қайд этиб, сўнгра Бангладешни 6:0 ҳисобида мағлуб этишди. Футболчиларимиз охирги турни 2 ноябрь куни гуруҳ пешқадамлигини қўлга киритган Қувайтга қарши ўтказишади.
"Пахтакор" стадионида бўлиб ўтадиган учрашув соат 15:00да бошланади. Қувайт ўтган тур Саудия Арабистонини 2:1 ҳисобида мағлуб этганини ҳисобга олсак, ёшлар терма жамоамизни яна бир қизиқарли баҳс кутмоқда.
Похожие новости
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
Суперлига. "Бухоро" ўз уйида бир киши кам "Нефтчи"дан очко тортиб олди
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
Комментарии