U-23 Осиё чемпионати ҳақида нималарни билиш керак? (+тўлиқ тақвим)
08 янв 2020 13:43
Новости
![](https://championat.asia/upload/storage/538192_original.jpg)
![](/upload/storage/538192_220.jpg)
U-23 Осиё чемпионати ҳақида нималарни билиш керак? (+тўлиқ тақвим)
Дастлабки чемпионат 2013 йил Уммонда бўлиб ўтган. Уч йилдан сўнг ушбу мусобақа Қатарда ташкил этилган. 2018 йилги қитъа чемпионати ўйинлари Хитойда ўтказилган. Биз олдинги чемпионатларда Ўзбекистон терма жамоаси қандай натижалар қайд этганини ёдга оламиз.
Уммон-2013
Биринчи U-23 Осиё чемпионатида Шуҳрат Мақсудов бошчилигидаги Ўзбекистон терма жамоаси иштирок этган. Гуруҳда дастлаб Хитойни 2:1 ҳисобида мағлуб этган вакилларимиз иккинч турда Ироққа 1:2 ҳисобида имкониятни бой бериб қўйишган. Гуруҳдаги охирги ўйинда Саудия Арабистони 1:0 ҳисобида ғалабага эришган ҳамда Ўзбекистон 3 очко билан 3-ўринни банд этиб уйга қайтган. Эътиборлиси мусобақа финалида Саудия Арабистони ва Ироқ тўқнаш келишган ҳамда ироқликлар 1:0 ҳисобида ғалаба қозониб тарихий биринчи чемпионга айланишганди.
Қатар-2016
Иккинчи мусобақада Самвел Бабаян бошчилигидаги Ўзбекистон олимпия терма жамоаси қатнашган. Гуруҳдаги илк баҳс Жанубий Кореяга қарши кечган ва унда 1:2 ҳисобида мағлуб бўлганмиз. Иккинчи турда Ироққа 2:3 ҳисобида ютқазилган. Сўнгги, ҳеч нимани ҳал қилмайдиган 3-турда вакилларимиз Яманни мағлуб этишган - 3:1. Бу сафар ҳам 3 очко билан гуруҳда 3-ўрин эгалланган. Қизиғи мусобақа сўнггида гуруҳдошларимиз Жанубий Корея кумуш, Ироқ эса бронза медалларини қўлга киритган эди. Олтин медаллар эса Японияга насиб этганди.
Хитой-2018
Учинчи Осиё чемпионати биз учун тарихийга айланган. Илк турда Қатарга 0:1 ҳисобида мағлуб бўлган Равшан Ҳайдаров шогирдлари кейинги турларда мезбон Хитой ва Уммонни бир хил 1:0 ҳисобларида мағлуб этишган. Ўзбекистон U-23 ўз тарихида илк бор ушбу мусобақада гуруҳдан чиқа олганди. Чорак финалда қаршимиздан Япония чиққан. Унда Ўзбекистон йирик 4:0 ҳисобида зафар қучган ҳамда ярим финалга йўл олганди. Финал остонасида Жанубий Корея билан ўйнаганмиз. Бу сафар ҳам вакилларимиз йирик ғалабани тантана қилишганди - 4:1. "Қорли финал" деб ном олган баҳс ҳамон кўпчиликнинг ёдида бўлса керак. Вьетнамга қарши уч соатдан ортиқроқ давом этган ўйинда қўшимча таймларнинг сўнгги сонияларида Андрей Сидоров томонидан урлган гол эвазига чемпион бўлганмиз - 2:1. Ўшанда ўзбекистонлик ярим ҳимоячи Одилжон Ҳамробеков мусобақанинг энг яхши футболчиси деб тан олинган эди.
Таиланд-2020
Тўртинчи Осиё чемпионатида фақат Баҳрайн дебютант ҳисобланади. Таиландга олдинги учта мусобақа чемпионлари Ироқ, Япония ва Ўзбекистон боради. Любинко Друлович бошчилигидаги Ўзбекистон олимпия терма жамоаси "C" гуруҳида Жанубий Корея, Хитой ва Эрон билан кураш олиб боради.
Ушбу мусобақада агар Япония ярим финалга чиқадиган бўлса ярим финалчиларнинг барчаси ёзда Токиода бўлиб ўтадиган Олимпиадага йўлланма олади. Агар Япония ярим финалга чиқа олмаса, у ҳолда икки финалчи ва 3-ўрин соҳиби олимпия ўйинларида қатнашади.
Мусобақа ўйинлари 4та стадионда ўтказилади:
"Ражамангала" (Бангкок) - 49722 томошабин
"Таммасат" (Бангкок) - 25000 томошабин
"Бурирам" (Бурирам) - 32600 томошабин
"Тинсуланон" (Сонгхла) - 45000 томошабин
Сана | Вақт (Тошкент) | Ўйин | Стадион | Гуруҳ |
08.01.2020 | 15:15 | Ироқ - Австралия | "Таммасат", Бангкок | "А" |
08.01.2020 | 18:15 | Таиланд - Баҳрайн | "Ражамангала", Бангкок | "А" |
09.01.2020 | 15:15 | Қатар - Сурия | "Таммасат", Бангкок | "B" |
09.01.2020 | 15:15 | Ўзбекистон - Эрон | "Тинсуланон", Сонгхла | "C" |
09.01.2020 | 18:15 | Япония - С.Арабистони | "Таммасат", Бангкок | "B" |
09.01.2020 | 18:15 | Жанубий Корея - Хитой | "Тинсуланон", Сонгхла | "C" |
10.01.2020 | 15:15 | Вьетнам - БАА | "Бурирам", Бурирам | "D" |
10.01.2020 | 18:15 | КХДР - Иордания | "Бурирам", Бурирам | "D" |
11.01.2020 | 15:15 | Баҳрайн - Ироқ | "Таммасат", Бангкок | "A" |
11.01.2020 | 18:15 | Австралия - Таиланд | "Ражамангала", Бангкок | "A" |
12.01.2020 | 15:15 | С.Арабистони - Қатар | "Таммасат", Бангкок | "B" |
12.01.2020 | 15:15 | Эрон - Жанубий Корея | "Тинсуланон", Сонгхла | "C" |
12.01.2020 | 18:15 | Сурия - Япония | "Таммасат", Бангкок | "B" |
12.01.2020 | 18:15 | Хитой - Ўзбекистон | "Тинсуланон", Сонгхла | "C" |
13.01.2020 | 15:15 | БАА - КХДР | "Бурирам", Бурирам | "D" |
13.01.2020 | 18:15 | Иордания - Вьетнам | "Бурирам", Бурирам | "D" |
14.01.2020 | 18:15 | Таиланд - Ироқ | "Ражамангала", Бангкок | "A" |
14.01.2020 | 18:15 | Австралия - Баҳрайн | "Таммасат", Бангкок | "A" |
15.01.2020 | 15:15 | Ўзбекистон - Жанубий Корея | "Таммасат", Бангкок | "C" |
15.01.2020 | 15:15 | Хитой - Эрон | "Тинсуланон", Сонгхла | "C" |
15.01.2020 | 18:15 | Қатар - Япония | "Ражамангала", Бангкок | "B" |
15.01.2020 | 18:15 | С.Арабистони - Сурия | "Таммасат", Бангкок | "B" |
16.01.2020 | 18:15 | Вьетнам - КХДР | "Ражамангала", Бангкок | "D" |
16.01.2020 | 18:15 | Иордания - БАА | "Бурирам", Бурирам | "D" |
18.01.2020 | 15:15 | B1 - A2 | "Таммасат", Бангкок | 1/4 |
18.01.2020 | 18:15 | A1 - B2 | "Ражамангала", Бангкок | 1/4 |
19.01.2020 | 15:15 | C1 - D2 | "Таммасат", Бангкок | 1/4 |
19.01.2020 | 18:15 | D1 - C2 | "Ражамангала", Бангкок | 1/4 |
22.01.2020 | 15:15 | Чорак финал 1 - Чорак финал 4 | "Ражамангала", Бангкок | 1/2 |
22.01.2020 | 18:15 | Чорак финал 2 - Чорак финал 3 | "Таммасат", Бангкок | 1/2 |
25.01.2020 | 17:30 | Ярим финал 1 мағлуби - Ярим финал 2 мағлуби | "Ражамангала", Бангкок | 3-ўрин |
26.01.2020 | 17:30 | Ярим финал 1 ғолиби - Ярим финал 2 ғолиби | "Ражамангала", Бангкок | Финал |
Похожие новости
![AMP Logo](https://championat.asia/image/logo-amp.png)
Комментарии