Тухель: “Самолёт бўлмаса, поезд. У бўлмаса, автобус. Агар у ҳам бўлмаса, ўз машинамда ўйинга борамиз”
14 мар 2022 09:45
Новости

Тухель: “Самолёт бўлмаса, поезд. У бўлмаса, автобус. Агар у ҳам бўлмаса, ўз машинамда ўйинга борамиз”

“Челси” устози Томас Тухель Чемпионлар Лигаси 1/8 финалидан ўрин олган “Лилл”га қарши 16 март куни ўтадиган ўйинга қайси йўл билан бўлмасин жамоани олиб боришини айтди.

Британия ҳукуматининг Роман Абрамовичга қўллаган санкциялар туфайли Лондон клуби қийин аҳволга тушиб қолган.

“Мендаги охирги маълумотга кўра, бизга самолёт беришади: Францияга учиб боришимиз ва у ердан ортга қайтишимиз учун. Агар ундай бўлмаса, поездда борамиз. Поездда бўлмаса, автобусда етиб оламиз. Автобус ҳам бўлмаса, у ҳолда ўз минивэним (машина)да олиб бораман”, деган Тухель.

Эслатиб ўтамиз, Лондонда ўтган дастлабки учрашувда “аристократлар” 2:0 ҳисобда зафар қучган.

Ссылка :

Источник : Football.London

Получайте новости прямо в Telegram!

Рейтинг: +45