Туркия Футбол Федерацияси зилзиладан жабр чекканларга ёрдам кўрсатувчи жамғармага 1 млн доллар хайрия қилди
07 фев 2023 13:41
Новости

Туркия Футбол Федерацияси зилзиладан жабр чекканларга ёрдам кўрсатувчи жамғармага 1 млн доллар хайрия қилди

Туркия Футбол Федерацияси ҳалокатли зилзила муносабати билан Туркиянинг Фавқулодда вазиятларнинг олдини олиш ва ҳаракат қилиш бошқармаси (AFAD) жамғармасига 20 миллион лира (1 миллион доллардан сал кўпроқ) юборди.

Бу ҳақда федерация сайтида хабар берилди.

6 февраль куни Туркияда 7,8 магнитудали кучли зилзила содир бўлди.

"Бизнинг юрагимиз вайроналар остида қолиб кетган ёки у ердан олиб чиқилишини кутаётган биродарларимиз билан бирга уриб турибди. Бутун Туркиянинг ўй-фикри азоб чекаётганлар ҳақида.

Мамлакатимиз сўнгги пайтларда дуч келган энг катта офатлардан бири бўлган ушбу зилзила асоратлари биргаликда даволаймиз, деб ишонамиз.

Миллий терма жамоаларимизнинг барча аъзолари, клубларимиз ва уларнинг раҳбарлари, барча футболчиларимиз, мураббийларимиз, ҳакамларимиз, мухлисларимизни хайрия акциямизни қўллаб-қувватлашга таклиф қиламиз", – дейилади баёнотда.

Туркиядаги зилзила оқибатида "Сивасспор" мураббийининг 15 нафар қариндоши ҳалок бўлди

Ссылка :

Источник : tff.org

Получайте новости прямо в Telegram!

Рейтинг: +3