Топ клубни танлаган омадсиз иқтидорлар

Келинг, бугун айнан шу вазиятга футболчилар кўзи билан қараб, таҳлил қилишга уриниб кўрамиз.

Неймар ("Барселона"дан ПСЖга)

У яқиндагина жамоадан кетмоқчи бўлиб юрганди, лекин янги шартнома имзолаб, қатарликларнинг олтин қафасидаги "бразилия тўтисига" айланди. Месси билан битим имзоланганидан сўнг, уни ҳам жамоада олиб қолишга қарор қилишди. Аммо қизиқ статистика: ёш Педри бир мавсум ичида клуби ва терма жамоаси сафида Лига 1да 4 (!) йилдан бери тўп тепаётган Неймардан кўпроқ ўйин ўтказди. Пул Жуниорнинг анча имкониятларини яксон қилди. Хўш, ўзингиз айтингчи, йилнинг энг яхши ўйинчилари учлигида (!) уни қанчалик кўп кўрасиз?! "Олтин тўп" мукофотини олиш учун фаворитлар рейтингида бразилиялик 17-ўринда!

Аслида юқорироқ поғонада бўлиши керак эди, лекин барқарорлик йўқ. Қолаверса, обрўси ҳам аввалгидек эмас. Неймар кичик жароҳатлар, симуляция ва ПСЖнинг ғалати мағлубиятлари рамзига айланди. Шунингдек, у энг яхши даврини Лига 1да финтлар билан ўтказиб юборди.

Филиппе Коутиньо ("Ливерпуль"дан "Барселона"га)

Ҳозир Коутиньо "Барселона"дан бошқа ҳеч кимга керак бўлмай қолди. Каталонияга ўтиши, кейин яна қайтиши ҳақидаги оригинал фикрларини кейинроқ автобиографиясида айтиб берар. Ҳозир эса у интервьюларида Каталонияда бахтли ҳаёти ҳақидаги одатий гапларни айтиб туради. Бундай ҳолатларда кўп кузатганимиз, кучлирой клубга ўтяпман деб ўйлаганди. ЕЧЛда ғолиб чиқиш учун интилганди, дўсти Суарес ва Месси билан бирга ўйнашни орзу қилганди. "Барселона" омадсизликларга учрар экан, "Ливерпуль" оёққа турарди. ЕЧЛ икки финали, қизиғи, соврин йўлида каталонияликларга қарши камбэк ҳам амалга оширилди.

Англияда 30 йилдаги биринчи чемпионлик. Коутиньо "Бавария"га кўчиб ўтди ва яна қатор кубокларни қўлга киритди. Бироқ 2017 йилги Филиппени ва бугунгиси билан солиштириб кўринг. Орадан бор йўғи 4 йил ўтди, хавбек 29 ёшда, аммо у энди "кичкина сехргар" эмас ва АПЛ бўлгани каби, лиганинг энг яхшиларидан бири сифатида ҳам тилга олинмаяпти.

Кепа Аррисабалага ("Атлетик Бильбао"дан "Челси"га)

Уни олдинда ёрқин келажак кутаётгандек эди, гўё. Лондонда асосий таркибда Куртуанинг ўрнини босади, ўсади, Испания термасида Де Хеага муносиб рақобатчи бўлишига ишонишганди. Аммо ҳозир "Қизил Фурия" асосий таркибидан "Атлетика"нинг бошқа голкипери, Токио Олимпиадаси кумуш медали соҳиби ва Евро ярим финалчиси — Унаи Симон ўрин олган. Кепа эса УЕФА Суперкубогида пенальтилар сериясини ютган бўлсада, Сарри "Челси"си давридан қолган стереотип Мендининг доимий ўринбосари номини олди.

Футбол тарихидаги энг қиммат голкипер учун ("Челси" дарвозабон учун "Бильбао"га 80 млн евро тўлаб берган) қийин даврлар бошланди. Эдуар асосий таркибда ажойиб ўйин намойиш этмоқда, Кепа эса ўзига янги жамоа излаш билан банд. Унга омад кулиб боқади деб умид қиламиз, бироқ дарвозабон ўзига нисбатан ишончини йўқотиши жуда хавфли. Кариус ёдингиздами? Бир қатор ижаралар сериясидан сўнг, футбол мухлислари эътиборидан четга чиқди.

Алексис Санчес ("Арсенал"дан "Манчестер Юнайтед"га)

Кўпчилик унутган бўлиши мумкин, аммо чилилик "Арсенал"далигида АПЛнинг энг яхшилари қаторида эди. Худди Коутиньо "Ливерпуль"да бўлгани каби. Санчес "Барселона" сафига ўзи учун мос келмайдиган ролга рози бўлганидаёқ фаолиятидаги нотўғри қарорлардан бирига йўл қўйганди. Омадсиз келишувлар устаси. МЮ ва "Арсенал" "йил алмашинуви" борасида — кўпчилик Санчес ва Мхитарян трансферини шундай деганди, келишиб қўйганди. Бироқ бу ажойиб футболчи учун узоқ йилларга татигулик омадсизлик эди.

Бу тарихда фақатгина футболчининг Лондон, Манчестер ва Миланда истиқомат қилиб улгурган, саёҳат гаштини сурган яқинлари ютди. Футболчи эса Ди Мариядан фарқли равишда катта саҳнага қайта олмади ва "Интер" сафида А Серияда бор йўғи 70 дақиқани майдонда ўтказди.

Поль Погба ("Ювентус"дан "Манчестер Юнайтед"га)

Футболчи Погба учун бу трансферда пулдан бошқа наф бўлдими? "Ювентус"га ёш хавбек мос тушарди ва А Серияда бир неча бор ғалаба қозонган бўларди. Икки йилча олдин Роналду билан Туринда "тўқнашган" ва италияликларнинг ЕЧЛ бош совринини қўлга киритиш имкониятини оширган бўларди. Шунингдек, Туринда Поль зафарли ЖЧ-2018дан сўнг буткул бошқача обрўга эга бўларди, чунки футболчи Дешам жамоасининг муҳим бўлаги эди. Манчестерда эса унга бўлган муносабат ўзгача ва инглизларнинг фикрича, "Лидс"га қарши кўрсатганидек ўйин Погба учун ёрқин, лекин вақти-вақти билан такрорланувчи ҳолат.

Ассисттентлар етарли, аммо "Ливерпуль" билан ўйиндаги қизил Погбанинг Манчестердаги фаолияти ёрқин мисоли ҳисобланади. Олти мавсумни фаолиятининг чўққиси дейиш — айниқса ундаги энг муҳим ғалаба Европа Лигасида "Аякс"нинг мағлуб этилиши бўлса. Поль суперюлдуз даражасига чиқиши мумкин эди, аммо пулни танлади ва назаримизда, хато қилди.

Эден Азар ("Челси"дан "Реал"га)

Анчелотти ўзини ўзи "кулгили амаки" деб атаганди. Азарни мақтаб, бир вақтнинг ўзида камситишга муваффақ бўлди. Карло бельгиялик ўзининг энг яхши ҳолатига қайтишига ишонишини айтди, аммо шу билан бирга қатъи равишда — Эден "Мадрид"да тегиб бўлмас юлдуз мақомига эга эмаслигини айтди. Соғлом, иштиёқ етарли, аммо мураббий бошқа футболчиларни маъқул кўрмоқда. Винисиус Бензема билан яхши тандем ҳосил қилиб улгурди, Родриго ҳужумнинг ўнг қанотида пайдо бўлмоқда. Азарга ҳужум учлигида жой топилмаяпти, ярим ҳимояда эса Кросс, Модрич ва Каземиро соғ бўлса, яна Эден захирада. "Реал" ва Зидан мухлиси Чемпионлар Лигасидаги одат тусига кирган, навбатчи ғалабалар давридан кеч қолди. Уёғига футболчи учун қийинчиликлар даври бошланди. Ўтган мавсум Азар жароҳатланган бўлишига қарамай, 17.14 млн евро ишлаб топди. Бельгиялик аслини олганда Роббенчалик жароҳатларга мойил эмас. Бироқ Арьен якунда ўзи учун идеал клубни топди ва фаолиятини "Бавария"да қутқариб қолди, Эденга эса омад кулиб боқиши ҳали сўроқ остида.

Футбол — селекция муҳим бўлаги бўлган ўйин. Ёдингизда бўлса, Лэмпарднинг омадсиз кунларида барча Грановская ва Чехнинг устидан қўшиб кулган, юзлаб миллион еврони ҳавога сарфлаганликда айблашганди. Бироқ жамоага Тухель келди ва жамоа ЕЧЛда ғолиб бўлди. Ёзда Лукаку клубга қайтарилди. Лекин у сиз ҳам клуб голлар уриш борасида муаммога дуч келмаяпти ва АПЛ ғолиблигига асосий даъвогарлигича қолмоқда. Футболчи трансферга розилик беришдан аввал икки қадам олдинни кўра билиши зарур. Клубдаги қайта қуриш, авлодлар алмашинуви қанчалик катта кўламда бўлса — нозик футболчилар клубга мослашиши шунчалик қийин бўлади. Ҳаттоки, ҳозир ҳам мисол учун ўша Мбаппе эркин агент сифатида Мадридга йўл олиши тўғрилиги борасида саволлар етарли. Перес французнинг отасига катта мукофот пули ваъда қилмоқда, лекин Ла Лига эътибор борасида АПЛга имконият бермоқда. Ким билади дейсиз, балки Килиан худди Азар каби афсусланар...

Нозима Зарипова таржимаси