Тожикистон терма жамоаси устози: "Ўзбекистонга раҳмат"
30 янв 2023 16:16
Новости

Тожикистон терма жамоаси устози: "Ўзбекистонга раҳмат"

"CAFA Womenʼs Futsal Championship-2023" мусобақасининг 3-туридан ўрин олган Қирғиз Руспубликаси 2:4 Тожикистон (7:1) учрашувидан сўнг тожикистонликлар бош мураббийи Мустафо Афшари матбуот анжуманида иштирок этди:

"Оғир ўйин бўлди. Рақиб ҳам 3-ўрин учун бор кучи билан ҳаракат қилди. Шунга қарамай, ғалаба қозонганимиздан хурсандман. Ўзбекистонга меҳмондорчилик учун ташаккур айтаман. CAFA мутасаддилардан эса келгуси мусобақаларда ўйинлар тақвимига жиддийроқ ёндашишни сўраган бўлардим".

Шунингдек, учрашувнинг энг яхши ўйинчиси сифатида эътироф қилинган тожикистонликлар сардори Мадина Фозилова ҳам ўз фикрлари билан ўртоқлашди.

— Аввало, ғалабадан хурсандлигимни айтишим керак. Икки мағлубиятдан бироз тушкунликка тушиб қолган эдик. Қизлар билан 3-ўйинни ютиб, уйга медал билан қайтишга аҳдлашдик. Шукр, уддалай олдик.

— Сиз учун қайси ўйин нисбатан қийин бўлди?

— Ўзбекистонга қарши оғир ўйиндан кейин дам олмасдан Эрон қаршисига чиқишимизга тўғри келди. Шунинг учун 2-тур энг қийини эди, дея оламан.

"CAFA Womenʼs Futsal Championship-2023". Тожикистон учинчи бўлди

Ссылка :

Источник : championat.asia

Получайте новости прямо в Telegram!

Рейтинг: +1