“Тобол” бош мураббийи Омари Тетрадзе ишдан кетди

Ўз вақтида Владикавказнинг “Алания” клуби таркибида Миржалол Қосимов билан бирга тўп тепган россиялик мутахассис бугун жамоа мухлислари билан хайрлашган.

“Тобол” чемпионат аутсайдери “Шахтёр”га 1:2 ҳисобида имкониятни бой берган эди. Кустанайликлар раҳбарияти янги мураббий излашни бошлаб юборган.

Эслатиб ўтамиз, Омари Тетрадзе “Тобол” клубини 2016 йилнинг 30 май куни қабул қилиб олган эди. Аввалроқ, у “Анжи”, “Волга”, “Нижний Новгород”, “Химки”, “Енисей” ва “Жетису” жамоаларида ишлаганди.