Тимур Турдиев: "Ўйинда тажриба ўз сўзини айтди"
05 июн 2022 22:45
Новости

Тимур Турдиев: "Ўйинда тажриба ўз сўзини айтди"

Про-лиганинг 11-туридан ўрин олган "Арал Самали" - "Турон" (0:3) учрашувидан сўнг мезбонлар бош мураббийи Тимур Турдиев матбуот анжуманида иштирок этди.

Ўйин ҳақида

- "Турон" жамоасини ғалаба билан табриклаймиз. Кўрдинглар, ўйинда тажриба ўз сўзини айтди. Биринчи бўлим сўнгида стандарт вазиятдан гол ўтказиб юбордик. Айнан шундай вазиятларга алоҳида эътибор қаратгандик. Йигитлар иккинчи бўлимда ўтказиб юборилган голнинг таъсири билан чиқишди. Иккинчи голдан сўнг сўнг руҳий устунлик рақиб томонига ўтиб кетди. Мағлубиятга сабаблар кўп, ишлашда давом этамиз.

"Турон" бежизга 1-ўринда кетаётгани йўқ, яхши шаклланган жамоа экан. Футболчилар яхши йиғилган.

Ҳимоя чизиғимизда жароҳат олган футболчилар бор эди. Уларнинг ўрнига туширган футболчиларимиз ҳам ўйин давомида чарчаб қолишди. Бор имкониятдан фойдаландик.

- Жамоалар футболкалари ўхшаш экани ҳақида фикрингиз қандай?

- Меҳмон жамоада оқ ва қизил рангли футболкалар бор экан. Бизнинг футболкага ўхшашлиги бор, лекин билмадим.

Ссылка :

Источник : championat.asia

Получайте новости прямо в Telegram!

Рейтинг: +1