Тимур Кападзе: "Илоҳим, Осиё чемпионатига жароҳатларсиз етиб борайлик"
20 мая 2022 18:26
Новости

Тимур Кападзе: "Илоҳим, Осиё чемпионатига жароҳатларсиз етиб борайлик"

Бугундан Ўзбекистон U-23 терма жамоаси Тошкентда йиғинни бошлади.

Тимур Кападзе бошчилигидаги терма жамоамиз юртимизда ўтадиган U-23 Осиё чемпионатига тайёргарликнинг сўнгги босқичини бошлади. "Жар" захира майдонидаги машғулотдан олдин бош мураббий ўз фикрларини билдирди.

"Бугун U-23 Осиё чемпионатидан олдинги сўнгги тайёргарликни бошладик. Мусобақа бошланишига 10 кун вақт қолди. Муҳим мусобақага яхши тайёгралик кўришга ҳаракат қиламиз. Ҳозирча кенгайтирилган рўйхатдан ўрин олган ҳамма футболчи ҳам йиғинга келгани йўқ. Сабаби ўз клубларида ўйинлари бор. Яқин 2-3 кунда рўйхат тўлиқ бўлади.

28 майга қадар шуғулланамиз ва кейин Осиё чемпионатида қатнашадиган якуний 23 футболчи номини аниқлаймиз.

Энг муҳими йигитларда жароҳат бўлмасин. Яхши тайёргарлик кўриайлик ва мусобақага 100 фоиз тайёр бўлайлик.

Тўғри кенгайтирилган рўйхатимизда Эркинов, Йўлдошев каби миллий терма жамоа аъзолари ҳам бор. Ўша пайтда МТЖ Наманганда Осиё Кубоги саралашида иштирок этади. Бу борада Катанец билан гаплашамиз, агар бу йигитларни бизга берса яхши бўларди. Чунки миллий терма жамоада менимча ҳар бир чизиқда етарлича футболчилар бор. Бу масалада ЎФА раҳбарияти, МТЖ мураббийлари билан гаплашамиз ва муаммо бўлмаса керак", - деди Тимур Кападзе.

Ўзбекистон U-23. Кападзе кимларни чақирди ва кимларни чақирмади? Кимлар Осиё чемпионатида қатнашмайди?

Ссылка :

Источник : championat.asia

Получайте новости прямо в Telegram!

Рейтинг: -1