Терри хайрлашув хатини ёзди

"Катта ҳаёжон ила бу "Челси" футболчиси сифатидаги сўнгги мавсумим эканлигини тасдиқлайман. Мен ва оилам учун бу ҳаётимдаги муҳим қарор бўлди. Яна ўйнай олишим мумкинлигини ҳис қиляпман, аммо "Челси"даги вақтим чегараланган, шу сабабли янги чақирув вақти келди деб ўйлайман.

Отам, онам, акам, "Челси"га орзуимни амалга оширишда берилган имконият ва қўллаб-қувватлаш учун миннатдорчилик билдираман.

Шу билан бирга "Челси" эгаси Роман Абрамовичга ҳам раҳмат айтмоқчиман. Биз, футболчи, профессионал истакларимизни амалга ошира олдик, "Челси" учун эса янги давр келди. Клуб жаҳондаги энг муваффақиятлилардан бирига айланди. Шу сабабли Роман Абрамович, директорлар кенгашига миннатдорчилик билдирмоқчиман.

"Челси" - бу менинг ҳаётим. Узоқ йиллар давомида мен билан бўлган жамоадош ва мураббийларимга раҳмат айтаман. Улар билан елкама-елка ишлаш мен учун фахр бўлди.

Мухлисларга бўлган меҳрим чексиз. Ишқибозларнинг қўллаб-қувватлаши доимо ажойиб бўлган. Сизлар ҳамма муваффақиятимда муҳим рол ўйнадингиз.

Футболдаги саёхатим якунлангани йўқ. Аммо мавсум охиригача "Челси"га ёрдам беришга тайёрман. "Челси" сардори эканлигимдан фахрланаман ва бир кун келиб жамоага бошқа вазифада қайтишга умид қиламан" - дейди Терри.