Терим: "Туркия Евро-2016да ярим финалгача боришга қодир"

"Кеча ҳаммамиз ғамгин эдик, аммо бугун келажакка оптимист сифатида қараяпмиз. Агар кейинги босқичга ўтсак, Уэльс билан тўқнаш келамиз. Асосий мақсадимиз - гуруҳдан чиқиш. Бунга эришишга умид қиламан. Биринчи баҳсларда бир нечта хатога йўл қўйдим. Бугун яхшироқ ўйнадик. Содир бўлаётган воқеалардан тўғри хулоса чиқардик. Хатто кўпроқ гол уриб, кейинги босқич йўлланмасини кафолатлаб қўйшимиз ҳам мумкин эди. Бизни кўп танқид қилишди ва руҳан қийналдик. Ғалаба туфайли ўзимизга бўлган ишонч анча ортди. Йигитлар яхши ишлашди.

Чехлар Хорватияга қарши баҳсда мағлуб бўла туриб, дурангга эришганини бир сонияга ҳам унутганимиз йўқ. Биз уларга кўп имконият яратишга йўл қўймадик. 3-4-3 схемаси яхши ишлади. Ўйиндан тўлиқ кўнглим тўлди. Агар кейинги босқичга ўтсак, Евро-2008даги иштирокимизни такрорлай оламиз (Туркия Евро-2008да ярим финалгача борган). Яна баъзи муаммолар бор, аммо ҳозир уларга ечим топиш осон. 1/8 финалга чиқмасак жуда хафа бўламан" - дейди Терим.