Тен Хаг танқидлар ҳақида: "Ўтган йили худди шу инсонлар ортимда туриб қарсак чалишган"

"Англиялик эскпертлар ўзини олаётган пулига арзийдиган мутахассисдек кўрсатмоқчи. Улар учун "Манчестер Юнайтед" осон ўлжа. МЮ - Англиянинг, балки дунёнинг энг йирик клуби. Бу клубни ёки яхши кўришади ёки ёмон кўришади, ўртада қоладиганлар йўқ.

Шу сабабли ишлар ёмон бўлганида улар баландпарвоз гапларни ишлатишга ҳаракат қилишади. Ўзини эксперт деб номлайдиган одамларнинг бу негатив фикрлари таҳлил орқали пайдо бўлмаган, аммо яхшироқ кўриниш учун одамларга ҳужум қилишни маъқул кўришади.

Ўтган йили худди шу инсонлар ортимда туриб қарсак чалишган... Аввалги мавсум сувда юра олардим, бу йил эса АПЛдаги энг ёмон мураббийман" - деди МЮ устози.