Темур Мамасиддиқов: "'Пахтакор" юқори зонага кўтарилиб ўйнашини яхши билардик"
28 апр 12:24
Новости

Темур Мамасиддиқов: "'Пахтакор" юқори зонага кўтарилиб ўйнашини яхши билардик"

Суперлиганинг 7-туридан ўрин олган "Пахтакор" – "Шўртан" (1:0) учрашувидан кейин меҳмонлар ҳужумчиси Темур Мамасиддиқов фикрлари билан ўртоқлашди.

"Пахтакор" бренд мақомга эга жамоа саналади, шу боис, исталган клуб уларга қарши жиддий тайёргарлик кўради. Биз ҳам анча вақтдан бери рақиб ўйинларини кузатиб, шунга мос тактика ишлаб чиқдик. Ҳар ҳолда ёмон ўйин ўтказдик дея олмаймакн, баъзи вазиятларни ўзимиз ўйлагандек амалга ошира олдик. Аммо камчиликларимиз ҳам кўзга ташланди, улар устида ишлашимиз керак. Кейинги ўйинга қадар хатоларни тўғрилаб, яхши натижа кўрсатишга ҳаракат қиламиз.

"Пахтакор" юқори зонага кўтарилиб ўйнашини яхши билардик, олдинги чизиқ вакилларидан қарши ҳужумларда тезкорлик намойиш этиши талаб этилганди. Шу боис, кўпроқ ўйиндан ташқари ҳолатда қолиб кетгандирмиз.

Ҳа, мавсум кўнгилдагидек бошланмади. Лекин ҳар ўйиндан сўнг хатоларни бартараф этиш устида ишлаяпмиз. Кейинги ўйинларда яхши натижа кўрсатишга ҳаракат қиламиз", деди 22 ёшли футболчи.

Ссылка :

Источник : championat.asia

Получайте новости прямо в Telegram!

Рейтинг: +1