Темур Кападзе: "Рақиб хатоларидан унумли фойдаландик"

- Ўйин ҳақида

- Қийин учрашув бўлди. Ҳавонинг иссиқлиги ҳам қийинчилик туғдирди. Биринчи бўлимда ҳам, иккинчи бўлимда ҳам ҳар икки жамоа кўп куч йўқотди. Шунга қарамай йигитлар ғалабага эришишди. Яхши имкониятларга эга бўлдик. Рақиб хатоларидан унумли фойдаландик. "Сурхон" жамоасига кейинги учрашувларда омад тилайман. 

- "Олимпик" ўтган учрашувда ҳам рақибнинг 2 та қизил карточкасидан сўнг кўпчилик бўлиб ўйнаган, бироқ ғалаба қозонмаганди. Бугун ҳам 2 та четлатиш, жамоангиз сон жиҳатдан устунликка эга бўлди ва ғалабага эришди. Ўйинларнинг фарқи нимада?

- Фарқи ўтган ўйинда 0:1 ҳисобида ютқазаётгандик. "Бунёдкор" жамоаси зич ҳимояланди. Шунга қарамай имконият қилсак бўларди, омад етишмади. Бугунги ўйинда биз 1:0 ҳисобида олдинда эдик, шу боисдан ҳам осонроқ бўлди.