Тарихда бугун: "Уч бошли аждар". "Бунёдкор" 3 йиллик танаффусдан кейин ОЧЛда ғалаба қозонган ўйин

Фото Тарихда бугун: "Пахтакор"нинг 17 йил олдин ОЧЛ ярим финали доирасида "Бек Теро"га қарши ўтказган ўйини

Бугун Осиё Чемпионлар лигасининг яқин ўтмишига суратлар ёрдамида саёхат қиламиз. Умид қиламиз, ўқувчиларимиз тарихий кадрларни томоша қилиб зерикиб қолишмайди.

ОЧЛ-2017 доирасида Тошкентда ўтказилган учрашувга тўхталамиз. Мусобақанинг "C" гуруҳидан жой олган "Бунёдкор" "Ал Аҳли" (С.Арабистони), "Зобаҳан" (Эрон) ва "Ал Айн" (БАА) жамоалари билан плей-офф йўлланмаси учун кураш олиб борган. Афсуски, ўшанда Сергей Лушан бошчилигидаги "қалдирғочлар" аввалги 2 мавсумдаги каби гуруҳда сўнгги поғонани эгаллашган (бор йўғи 3 очко).

ОЧЛ. "Бунёдкор" 3 йилдан сўнг гуруҳ босқичида ғолиб чиқди

Факт! "Бунёдкор" Сергей Лушан бошчилигида ОЧЛда кетма-кет 3 мавсум ўз гуруҳида охирги ўринни банд этган.

ОЧЛ-2017 гуруҳ босқичининг 5-турида "Бунёдкор" ўз майдонида "Ал Аҳли"ни қабул қилган. Гуруҳдан чиқиш имкониятини амалда йўқотиб бўлган "қалдирғочлар"нинг йўқотадиган нарсаси йўқ эди ва жамоа 2:0 ҳисобида ғалаба қозонган. Голларга Акром Комилов ҳамда Элдор Шомуродовлар муаллифлик қилишган.

ОЧЛ-2017, "C" гуруҳи
5-тур, 24.04.2017
Тошкент. "Бунёдкор" стадиони, 1307 томошабин
"Бунёдкор" – "Ал Аҳли" 2:0
Ҳакамлар: Фу Минг, Вейминг Хуо, Уанг Дексин (барчаси – Хитой)
Голлар: А.Комилов 8 (пас Д.Ҳамдамов), Элдор Шомуродов 54 (пас Д.Ҳамдамов).

"Бунёдкор": 25.Муроджон Зуҳуров, 2.Рустамжон Ашурматов, 4.Акром Комилов, 10.Элдор Шомуродов, 17.Достонбек Ҳамдамов, 19.Нурилло Тўхтасинов (16.Алишер Саноев, 82), 20.Сардорбек Азимов (97.Жавоҳир Эсонқулов, 86), 21.Дилшодбек Аҳмадалиев, 28.Давронбек Умиров, 29.Отабек Шукуров, 30.Хуршид Ғиёсов (44.Миржамол Қосимов, 57)
Захира: 45.Дилшод Ҳамроев, 5.Жавлон Мирабдуллаев, 7.Душан Мичич, 9.Шахзодбек Нурматов.

"Ал Аҳли": 1.Ёсир Ал Мусайлим, 7.Салман Мувашар (11.Ҳуссайин Ал Могахви, 62), 8.Тайсир Ал Жассим, 9.Умар Ал Сома, 10.Яннис Фетфатцидис, 13.Муҳаммад Абдулшафи, 21.Оқил Ал Саҳаби, 23.Саад Ал Муваллад, 25.Мутаз Ҳавсави (77.Амир Фаҳад Курди, 83), 45.Абдулфаттоҳ Тавфиқ (14.Муҳанад Абу Радия, 62), 55.Саад Абдуламир
Захира: 66.Босим Солиҳ Ал Бақи, 4.Волид Бакшвин, 6.Муҳаммад Ал Фатил, 31.Мансур Ал Харби.

Огоҳлантиришлар: М.Қосимов 60, Д.Аҳмадалиев 68

Ўша пайтда гуруҳ пешқадами ва охирги поғонада бораётган жамоалар тўқнашуви.

"Ал Аҳли" Тошкентга кучли таркиб билан келганди, чунки жамоа гарчи 1-ўринда бўлса-да гуруҳдан чиқишни расман ҳал этиб улгурмаганди.

3 йил олдинги ўйинда асосий таркибда тушганлардан фақат Дилшод Аҳмадалиев ва Нурилло Тўхтасинов ҳозир ҳам "Бунёдкор"да.

Учрашувни Фу Минг бошчилигидаги хитойлик ҳакамлар бригадаси бошқариб борган.

Актриса Феруза Норматова ҳам ўша куни ўйинни стадиондан кузатган.

Тўп билан ўша мавсум ОЧЛда битта гол урган Яннис Фетфатцидис.

Сергей Лушаннинг ОЧЛ гуруҳ босқичидаги статистикаси аянчли кўринишда: 3 мавсум ва ҳар сафар гуруҳда сўнгги ўрин. Жами 18 ўйин, 1 ғалаба, 4 дуранг ва 13 мағлубият. Тўплар нисбати: 12-30.

Саудия футболининг ёрқин вакилларидан бири Тайсир Ал Жассим тўп билан.

Даврон Умиров тўпни Саад Ал Мувалладдан олиб қўйишга уринмоқда.

Мурод Зуҳуров ўша мавсум ОЧЛ гуруҳ босқичида ўз дарвозасидан 12та тўп олиб чиққан.

Учрашувда ҳисобни очган Акром Комилов рақиб сардорига қарши.

"Ал Аҳли" устози Кристиан Гросс.

Мана шу дарвозабон Ёсир Ал Мусайлим Чемпионлар лигасида ўзбек клубларига қарши кўп бор майдонга тушган.

Рустам Ашурматов стандарт пайтида Оқил Ал Саҳабини қўриқламоқда.

Сардор Азимов тўпни қўли билан ўзига бўйсундириб олишга уринган палла.

Суратда иккинчи голни киритган Элдор Шомуродов ва ҳар иккала голга ассистентлик қилган Достон Ҳамдамов.

"Уч бошли аждар".

Омар Ал Сомага қарши мана шундай ўйнашга тўғри келарди, одатда. Маълумот учун ОЧЛ-2017да суриялик ҳужумчи 5та гол урган.

- "Бунёдкор" нечта гол урди?

Кристиан Гросс: "Бунёдкор"нинг йўқотадиган нарсани бўлмагани учун шундай ўйнади"