RU

Последние новости

09:56«Барселона»да «Реал»га қарши учрашувдан аввал катта йўқотиш бор  1 09:26«Верона»га қарши учрашувдан сўнг Шомуродов ўз фикрларини билдириб ўтди  3 08:58Улуғбек Бакаев: "Гол ўтказиб юборган вазиятимиз ва пенальти белгиланган вазият бўйича ҳам саволларим бор"  9 08:31Исломбек Исмоилов – истеъдодларга тўла жамоа билан мукаммал ишни бажаришга яқин: ОФК расмий саҳифаси Исломбек Исмоилов ҳақида катта мақола эълон қилди  5 08:03Sofascore. Жамоасига ғалаба тақдим этган Шомуродов неча баҳога лойиқ кўрилди?  3 07:37Суперлига. Бугун Олмалиқ ва Андижонда ўйинлар бор  5 07:05U-17 Осиё кубоги. Бугун ФИНАЛ!  23 02:35Асрор Алиқулов: "Рақибда 65-70 дақиқалардан сўнг бўшлиқлар пайдо бўлишини кутгандик"  1 02:14Анвар Бердиев: "Ўйин битта голгача бўлди, уни эса "Машъал" урди"  5 02:00Ла Лига. "Атлетико" меҳмонда 90+3 дақиқада тўп ўтказиб юборган ҳолда аутсайдерлардан бирига мағлуб бўлди  7 01:38А Серия. Шомуродовнинг голи "Рома"га "Верона" устидан ғалабани тақдим этди  40 01:36"Насаф" "Жар"да "Бухоро"ни мағлуб этган ўйиндан ФОТОГАЛЕРЕЯ  0 01:25Лига 1. ПСЖ яна ғалаба қозонди. Жамоа 29 ўйиндан буён мағлуб бўлмаяпти (+жадвал)   2 00:50Суперлига. "Пахтакор" йирик, "Насаф" ишончли, "Машъал" эса минимал ҳисобда ғалаба қозонди  0 00:10"Бавария" Бундеслиганинг охирги ўринларида бораётган жамоа устидан йирик ғалабани қўлга киритди  1

Тақдирини пенальтилар ўзгартириб юборган Акбар Тўраев билан суҳбат Новости

Тақдирини пенальтилар ўзгартириб юборган Акбар Тўраев билан суҳбат

"Нефтчи" янги мавсумга тайёргарликни Туркиянинг Анталия шаҳрида давом эттиряпти.

Жамоанинг асосий дарвозабони Акбар Тўраев билан боғланиб, ўзимизни қизиқтирган баъзи саволларга жавоб олдик. 

— Акбар ака, сиз футболни ярим ҳимоячи сифатида бошлаган экансиз. Келинг, ҳаётингизни ўзгартириб юборган ўйинни эслайлик. Қандай дарвозабонга айланиб қолгансиз?

— Бир кун ўйинга келсак, иккала дарвозабон ҳам келмаган. Футболни ҳужумчи ёки ҳимоячисиз ўйнаш мумкин. Ҳаттоки, 1 киши кам бўлиб ўйнаса ҳам бўлади. Лекин дарвозабонсиз иложи йўқ. Мураббийимиз Борис Андреевич дарвозага мен туришимни айтдилар. Ўйин яхши ўтди, битта пенальти қайтардим. Шундан кейин асосий посбонларимиз захирада қоладиган бўлди.

— 16 ёшда футболни ташлаган экансиз. "Пахтакор" билан қандай муаммо юз берган эди?

— Академияни битираётган эдик. Бунақа пайтда кўпчилик "Пахтакор" ўринбосарлар жамоаси сафига кетади. Мураббийимиз негадир мени "дубл"га бермай, 2-лига жамоасига юборган. Бордим. Биринчи кун қарасам, машғулотга 4 киши келди, эртаси кун 6-7 киши. Шундан кейин келажакка нисбатан ишонч сўнди. Кўчага чиқиб, иш қидиришни бошладим...

— 16-17 ёшларизда заводда сувоқчилик, қоровуллик ҳам қилган экансиз. Сиз учун футбол бутунлай тугаганмиди?

— Заводда, бозорда ишладим. Катта футболга умид қолмаганди. Фақат ҳаваскорлар билан ўйнаб турардим. Дарвозабон бўлганим учун у ерда талаб юқори эди.

— Яна яшил майдонга қайтишингиз қандай содир бўлди?

— Айтганимдек, фақат залда футбол ўйнаб турардим. Қиш маҳали эди. Бир кун Темурхўжа Абдухолиқов ҳам келди. Шу бола мени фикримни ўзгартирган эди. Яхши дарвозабонлар камлиги, ўйнашим кераклигини айтди. 2-лигада "Спартак" деган жамоа очилаётган экан (раҳматли Равшан ака Усмонхўжаевнинг жамоалари эди), ўша ерга таклиф қилди. Уйга қайтгач отамдан бориб, гаплашиб кўришни сўрадим. Борсалар, мураббий Руслан ака мени танир экан. "Бўлди, келсин", - деган. Шуғулланишни бошладим. Бошида захирада ўтирардим. Чунки мендан каттароқ дарвозабон бор эди. Бир кун менга ҳам имконият берилди, яна пенальти қайтардим. Кейинги ўйинда яна бир марта "11"ни олдим. Шу-шу, карьерам тикланиб кетган эди.

— "Бунёдкор"да Игнатий Нестеров, Павел Бугало ва Муроджон Зухуров сингари тажрибали посбонлар бир пайтда ўйнагансиз. Ўша даврларни қандай эслайсиз?

— "Спартак"дан "Бунёдкор"нинг "дубл"ига ўтгандим. Дарвозабонлар жароҳат олгани учун асосий жамоа машғулотига чақиришди. Борсам, ҳамма юлдузлар ўша ерда экан: Сервер Жепаров, Азиз Ҳайдаров, Ривалдо... Жуда ҳаёжонланганман. Лекин зўр пайтлар эди. Кучли посбонлар билан бир жамоада бўлиш сизга кўп нарсани ўргатади. Анча тажриба оширасиз. Мен ҳам Бугало, Зухуров ва Нестеровдан кўп нарса олганман. Ўша ерда ўсишга эришганман.

— Баҳрайнга қарши 2014 йилги ўйин эсингиздами? 

— Албатта, эсимда. У лаҳзаларни ҳеч қачон унутмайман. Миллий терма жамоанинг асосий таркибида биринчи марта майдонга чиққандим. Ўйиндан олдин жуда ҳам ҳаяжонланганман. Дубайда эди. Бир кун олдин мураббийимиз майдонга тушишимни айтганлар. Клубда қанақа ўйнасам, шундай туришимни, ҳаяжон ҳакамнинг биринчи ҳуштагидан кейин йўқолишини тушунтирдилар. Ростан ҳам шунақа бўлган.

— 2015 йилги Осиё кубогига боргандингиз. Қанақа хотиралар қолган?

— Австралиядан яхши хотиралар қолган. Жамоамиз кучли эди. Фақат омад эвазига Кореяга ютқазиб қўйгандик. Турнир яхши бошланган. 1-турда Шимолий Кореяни мағлуб қилгандик. Кейин Хитойга ютқазиб қўйганимиздан кейин барча футболчилар тўпланиб, гаплашиб олганмиз. Саудия Арабистонини ютиш шарт, олдимизда бошқа йўл йўқ эди. Жанговар кайфиятда чиқиб, 3:1 ҳисобида уриб ташладик. Лекин австралиялик ҳакам роса "чопганди" бизни. Арабларга пенальти ҳам қўйиб берган эди...

— "Нефтчи" ўтган мавсум охирида ажойиб ўйин кўрсатди. Жамоанинг бу йилги мақсади қанақа?

— Вазифа сифатида халқаро майдон йўлланмасини қўлга киритиш қўйилган. Худо хоҳласа, буни уддалаймиз. Чунки яхши таркиб шакллантириляпти, ҳаммада шашт жуда юқори. Албатта, қўлимиздан келади.

— Ростан ҳам 2022 йилги мавсумда энг кучли жамоа "Пахтакор" эдими?

— Чемпион бўлдими, демак, "Пахтакор" ҳаммадан кучли эди.

— Охирги савол: Бугунги кунда Ўзбекистоннинг энг кучли дарвозабони сифатида кимни кўрсатасиз?

— Бир кишини яққол ажратиб кўрсата олмайман. Ўткир Юсупов, Ботирали Эргашев ва Санжар Қувватов бу номга даъвогарлик қилса керак. Шунингдек, Абдувоҳид Неъматов ҳам ёш бўлишига қарамасдан, яхши ўйин кўрсатяпти. 

— Акбар ака, ажойиб суҳбат учун раҳмат. Янги мавсумда омад тилаймиз!

— Таклиф учун раҳмат! Бу йил яхши бўлишига ишонаман. Худо хоҳласа, барча йигитлар билан "Нефтчи"нинг шонли кунларини тиклашга ҳаракат қиламиз. Мухлислар стадионга келиб, "12-ўйинчи" бўлиб туришса бўлгани. Улар учун майдонда бор кучимизни берамиз. Ҳаммага омад тилайман.

Муаллифнинг телеграмдаги канали → ФР| футбол АНАЛИЗИ

Автор :
Рейтинг: +5   

Комментарии

championat.asia
< посмотреть последние новости
Яндекс.Метрика