RU

Последние новости

08:02ОЧЛ 2. Бугун "Андижон" "Ал Аҳли"ни меҳмон қилади  1 07:35Бум! Ўзбекистон мундиал стартидан олдин ЖЧ мезбони билан ўйнайди  8 02:10ЕЧЛ. "Атлетико" яна бешта гол урди, "Бавария" ва "Интер"да йирик ғалаба (барча натижалар)  5 01:21Хаби Алонсо: "Қайрат" Чемпионлар Лигасида ўйнашга муносиб жамоа"  2 00:34ЎФА терма жамоалар бўлими собиқ раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."  2 23:58Иван Бошкович: "Битта чиройли зарба ўйин тақдирини ҳал қилди"  4 23:37ЕЧЛ. "Қайрат" ўз майдонида "Реал"га йирик ҳисобда ютқазди, Мбаппедан хет-трик!  105 23:27Виталий Левченко: "Сафарда муҳим ғалабани қўлга киритдик"  5 23:13Отабек Нарзуллаев: "Ҳимоямизни анча яхшилаб олдик"  1 23:08ЕЧЛ. "Интер", "Ливерпуль", "Челси" ва бошқа жамоаларнинг асосий таркиблари маълум!  2 22:55Футзал. 2-тур 3-кунида "Насаф", СҚБ ва "Oil-Star"да ғалабалар  1 22:43Александр Хомяков: "Бизга тетиклик етишмади"  8 22:39Суперлига. "Сўғдиёна" ўз майдонида "Нефтчи"га мағлуб бўлди, "Машъал" эса "Бухоро" билан дуранг ўйнади  4 22:23Луис Энрике "Барселона"ни мақтади  1 21:41Клопп эмас: "Ал Иттиҳод" бош мураббийлиги учун асосий номзодлар маълум қилинди  0

Таиландаги фаолияти, “Нурафшон”дан тушган таклиф ва фаолиятини якулашни истамаётган Артём Филипосян билан суҳбат Новости

Таиландаги фаолияти, “Нурафшон”дан тушган таклиф ва фаолиятини якулашни истамаётган Артём Филипосян билан суҳбат

Хабарингиз бор, тажрибали ҳимоячи Артём Филипосян бугунги кунда Таиланд биринчи лигаси иштирокчиси “Муангкан Юнайтед”да тўп тепмоқда.

 Хўш, футболчимизнинг ушбу жамоадаги фаолиятини қандай кечмоқда. Шу борасида у билан суҳбатлашдик.

- Таиландга келишинигиздан аввал Ўзбекистон жамоаларидан таклиф тушмадими?

- Ўзбекистонда булганимда менга икки клубдан жиддий таклиф тушди. Ҳозирда уларнинг номларини ошкор қилиш тўғри эмас. Сабаби мен ҳозирда Таиландда тўп тепмоқдаман. Таклиф билан чиққан жамоалардан бири билан келишиб қўйгандим. Фақатгина, четдан таклиф бўлса, мени қўйиб юборишларини сўрагандим. Шу орада Таиланд биринчи лигаси иштирокчисидан таклиф бўлди ва шу ерга келдим. Ўзбекистонда келишиб қўйган жамоа билан насиб қилса келаси йил тўп тепишим мумкин. Тўғриси, уч йилдан буён уйдан йироқда ўйнамоқдаман. Оилам билан кўп вақтимни ўтказа олмадим.

- Эшитишимизча, сизга “Сўғдиёна” ва “Нурафшон” жамоалари таклиф билан чиққан. Шу ростми?

- Тўғриси, “Сўғдиёна” менга таклиф билан чиққани йўқ. Йил бошида эса “Нурафшон”дан таклиф бўлди. У вақтда эса мен Таиланд Суперлигаси аъзоси “Прачуап” билан шартнома имзолаб қўйгандим. Шу ўринда “Нурафшон”га таклиф билан чиққани учун миннатдорчилик билдираман.

- Нима учун Таиланд биринчи лигаси жамоаси таклифига розилик билдирдингиз?

- Бу мамлакат чемпионатида тўп тепиш менга маъқул бўлди. Бу қайси лига бўлишидан қатъий назар, шу ерда ўйнаш истаги борлиги туфайли ҳам “Муангкан Юнайтед”нинг таклифига розилик бердим.



- Жамоа сиз учун барча шароитларни яратиб берганми?

- Албатта. Алоҳида яшашим учун квартира ва машина берган. Бундан ташқари, барча шароитларни яратиб беришган. Нолишга ҳаққим йўқ.

- Сиз Индонезиянинг “Персикабо” жамоаси билан шартномангиз бор эди. Қандайдир сабаблар туфайли у жамоа билан шартномани бекор қилдингизми?

- Пандемия бошланганидан кейин бир ярим йил давомида Индонезияда фуьблл мусобақаларига рухсат берилгани йўқ. Ҳаттоки, машғулотлар ҳам ўтказилмай қўйилди. Бу вақт давомида эса жамоалар легионерларга 25 фоиз маош беришди. Шу сабабли кўплаб футболчилар шартномаларни бекор қилишди. Қолаверса, ўйин амалиётисиз ўтиришдан маъно йўқ эди. Шу томонларини ҳисобга олган ҳолда Индонезия жамоаси билан шартномамни бекор қилдим.

- Таиланд биринчи лигасида ҳам яхши маош тўлашадими?
- Вазифаси бор жамоаларда маош жуда яхши. Қолгани ҳам ўртача ҳақ тўлашади. Лекин Суперлига билан солиштириб бўлмайди.

- Таиланд футболи сизда қандай тааассурот уйғота олди?
- Мамлакатда футболга катта эътибор берилмоқда. Барча жамоаларда шароитлар яхши. Чемпионатнинг ҳар бир баҳсида ВАР тизими ишламоқда. Стадионлар мухлислар билан тўлади. Қизиқиш жуда юқори эканлиги мени ажаблантирди.



- Фаолиятингиз давомида Таиланд ва Индонезиядан бошқа чемпионатлардан ҳам таклиф бўлганми?
- Тўғриси, бошка чемпионатларда таклифлар бўлмаган.

- Фаолиятингизни қачон тугатишни режалаштирмоқдасиз?
- Ҳозирча хаёлим факат футбол билан боғлиқ. Худога шукур ўзимни жуда яхши ҳис қилмоқдаман. 33 ёшда бўлсам-да, ҳали бир неча йиллар давомида тўп тепиш истагидаман.

- Сиздан яхши мураббий чиқадими?
- Тўғриси бу ҳақида ўйлаб кўрганим йўқ. Қачондир фаолиятимни тугатсам, мураббийликга ўтсам, шунда маълум бўлади.

- Кўплаб жамоалар шарафини ҳимоя қилгансиз. Қайси жамоада энг яхши мавсумни ўтказгансиз?
- Қайси жамоада ўйнаган бўлсам-да, ҳаммасига раҳмат айтаман. 2011 йил “Насаф”да ўтказган фаолиятим мен учун энг яхшиси бўлган. Чунки ўшанда “аждарлар” билан ОФК кубогини қўлга киритган ва чемпионатда 2-ўринни қўлга киритгандик. Ўша мавсум мен учун муваффақиятли тугаган.

- Сизнингча, Ўзбекистон чемпионатида тўп тепган энг кучли учта легионер сифатида кимларни кўрсата оласиз?
- Фикримча, Ривалдо Гочгули Гочгулиев ва Артур Геворкян мен учун Ўзбекистон чемпионатида тўп тепган энг кучли легионерлар ҳисобланади.

Рейтинг: +2   

Комментарии

championat.asia
< посмотреть последние новости
Яндекс.Метрика