Тачмурод Агамуродов: "Мен қоғозда расман жамоа бош мураббийи эмасман"

Биз бугун "Пахтакор"дан ижарага олинган футболчилардан фойдалана олмасдик. Сабаби, клублар ўртасида шундай келишув бор эди. Шу боис, бу ўйинда ёшларни синаб олишга қарор қилгандик. Учрашув қийин бўлди. Ҳозирча таркибимиздаги футболчиларнинг даражаси жиддий рақибга қарши яхшироқ ўйнашга қодир эмас.
Мен жамоани мавсум якунига икки ой қолганида қабул қилиб олдим. Учрашув давомида мураббийлар штабида ўтирмаганимнинг сабаби шундаки, мен қоғозда расман жамоа бош мураббийи эмасман ва мураббийлар штабида ўтиришга ҳаққим йўқ. Клуб билан шундай келишувга эришганмиз. Бу мендан чиққан таклиф.

- Сизни "Пахтакор"дан кейинги фаолиятингиз бир маромда кечмаяпти. Бунинг сабаби нимада?
- "Пахтакор"да ишлаганимдан ҳеч ким менга қайси футболчини ўйнатиш кераклигини айтмасди, ўргатмасди. Ҳамма ўз ишини қиларди. Аммо бошқа жамоаларга ўтганимдан кейин шунақанги ҳолатларга дуч келяпман ва шу боис, бир жамоада кўп йиллар мобайнида ишлаш учун имконият бўлмаяпти. Масалан, "Бухоро"дан ўзим кетишни хоҳлагандим.