Сурия машғулотини кўрамиз деб сарсон бўлдик

Бугун Сурия терма жамоаси Тошкентга етиб келди. Сайтимиз вакиллари Шаҳбоз Беғамов, Зоир Турсунбоев ва Жаҳонгир Файзуллаев билан Бернд Штанге бошчилигидаги терма жамоа машғулотини ёритишни мақсад қилдик. Дастлаб ЎФА матбуот хизмати Сурия соат 20:00да "Жар"да машғулот ўтказишини маълум қилди. Биз айтилган вақтдан 20 дақиқа аввал "Жар"га етиб бордик. Бироқ стадион ходимлари бу ерда машғулот бўлмаслигини "Пахтакор"га боришимиз кераклигини айтишди. "Пахтакор" стадионига 19:55да етиб бордик. Бироқ бу ерда ҳам Сурия терма жамоаси йўқ эди. "Пахтакор" стадиони ходимлари машғулот қолдирилганини маълум қилишди. 

Шу тариқа бўлажак рақибимиз бугун машғулот ўтказдими ёки йўқми хабаримиз бўлмади. Нима учун бундай вазият юзага келганига очиғи тушунмадик. 

Толибжон Қосимов