Суперлига қайтмоқда. "Насаф" чемпионликка яқинлашадими? "Навбаҳор" яна "Истиқлол"да меҳмон, пойтахт дербисида эса 10 йиллик анъана тугаши мумкин

Мавсумнинг қайноқ палласида бир қатор қизиқарли учрашувлар кутиб турибди. Биз эса 21-тур олдидан айрим фактлар, маълумотлар билан ўртоқлашамиз. 

Насаф

Суперлига. Тур 21 18/10/2024, 18:00 - : - Не начался

Сурхон

Открыть в Матч-Центре

"Насаф" - "Сурхон"

- "Сурхон" ўз тарихида ҳали "Насаф" майдонида ғалаба қозонгани йўқ. Жамоаларнинг Қаршидаги ўзаро 13 та учрашувининг барчасида мезбонлар ғалабани тантана қилган. 

- "Насаф" жорий мавсумда ўз майдонида мағлубиятга учрамаган ягона жамоа бўлиб турибди. "Аждарлар" 10 та баҳснинг 8тасида ғалабани нишонлаган бўлса, 2 та ўйинда дуранг қайд этилган. 

- "Сурхон" сўнгги 3 та сафар учрашувида мағлуб бўлди. Термизликлар охирги маротаба 22 август куни меҳмонда "Пахтакор"дан устун келганди. 

- Февзи Давлетов шогирдлари Суперлигада 4 та ўйиндан бери гол ураётгани йўқ. Жамоа сўнгги бор 18 август куни "Бобур Арена"да "Андижон" дарвозасига йўл топа олган. 

- "Сурхон"да ғалабасиз серия кетма-кет 4 та ўйинга етди. Охирги ғалаба 16-турда "бургутлар" устидан қозонилган (3:2).

Локомотив

Суперлига. Тур 21 19/10/2024, 15:00 - : - Не начался

Бунедкор

Открыть в Матч-Центре

"Локомотив" - "Бунёдкор"

- "Темирйўлчилар" 3 йилдан буён "Бунёдкор"дан 3 очко олишни уддасидан чиқаётгани йўқ. Охирги ғалаба 2021 йилги мавсумнинг 6-турида қайд этилган (2:1)

- "Бунёдкор" 10 йилдан бери меҳмонда "Локо"ни юта олмаяпти. Пойтахт клубининг рақиби майдонидаги сўнгги ғалабаси 2014 йил юз берган (2:1). 

- Илёс Зейтуллаев жамоаси сўнгги 3 та ўйинда 7 очко тўплашни уддасидан чиқди. "Локомотив"да бу кўрсаткич 3 очкони ташкил қилади. 

- Александр Крестинин 2023 йил бир давра "Бунёдкор"ни бошқарган эди ва у энди собиқ жамоасига қарши майдонга чиқади.

Металлург

Суперлига. Тур 21 19/10/2024, 17:15 - : - Не начался

Андижан

Открыть в Матч-Центре

"Металлург" - "Андижон"

- "Андижон"нинг Суперлигадаги ғалабасиз серияси 7 та ўйинга етди ва жамоа иккинчи даврада ҳали 3 очко қўлга киритгани йўқ. 

- "Бургутлар" 5 йилдан бери "Металлург"ни меҳмонда таслим эта олишаётгани йўқ. Жамоанинг охирги ғалабаси 2019 йилги мавсумнинг 16-турида тантана қилган. Қизиқ факт, ўшанда жамоанинг устози Александр Хомяков бўлган.

- Бекободликлар бу йил Суперлигадаги ягона ғалабасини уй учрашувида қўлга киритди ("Металлург" - "Пахтакор" 3:2)

- Жамоалар ўртасидаги ўзаро 8 та ўйиндан бери дарвозаларга гол урилмоқда. Гол урилмаган сўнгги ўйин 2016 йил 22 октябрь санасида 0:0 натижаси билан тугаган. 

Нефтчи

Суперлига. Тур 21 20/10/2024, 15:00 - : - Не начался

Навбахор

Открыть в Матч-Центре

"Нефтчи" - "Навбаҳор"

- "Навбаҳор" 15 кундан сўнг яна "Истиқлол" стадионида меҳмон бўлади, бу сафар рақиб майдон эгаси "Нефтчи".

- Фарғоналиклар 6 йилдан буён "лочинлар" устидан зафар қучаётгани йўқ. Жамоанинг сўнгги ғалабасини 2018 йил қўлга киритган. Кейинги 6 та учрашувнинг 5 тасида дуранг, 1тасида наманганликлар ютуқни ўзиники қилган. 

- "Нефтчи"да дуранглар серияси кетмоқда. Суперлигада кетма-кет 3 та беллашув муросаси натижа билан тугаган ("Пахтакор" 0:0, "Қизилқум" 2:2, "Андижон" 0:0)

- Сергей Лушчан шогирдлари меҳмонда кетма-кет 3 та ўйинда ғалаба қозонди (кубок ярим финали билан бирга 4 та).

- "Навбаҳор" устози Сергей Лушчан мураббий сифатида Суперлигада сўнгги 4 та ўйинда "Нефтчи"га ютқазгани йўқ (2018 йилги мавсумда "Сўғдиёна" бошқарувида 3 ғалаба, 2017 йил "Бунёдкор" билан 1 ғалаба)

Олимпик

Суперлига. Тур 21 20/10/2024, 17:15 - : - Не начался

Кызылкум

Открыть в Матч-Центре

"Олимпик" - "Қизилқум"

- "Олимпик" иккинчи даврани "Андижон" сингари ғалабасиз серия билан давом эттирмоқда. Жамоа сўнгги ғалабасини 25 июнь куни "Сурхон" устидан қўлга киритган.

- Жамоаларнинг ўзаро ўйинларида тенглик юзага келган. Икки жамоада ҳам 2 ғалаба ва 1 дуранг бор. 

- "Қизилқум" 2024 йил меҳмондаги ягона ғалабасини 1-турда "Бунёдкор" майдонида нишонлаган эди.

Согдиана

Суперлига. Тур 21 21/10/2024, 18:00 - : - Не начался

OKMK

Открыть в Матч-Центре

"Сўғдиёна" - ОКМК

- Бу мавсумнинг энг кўп гол (8 та) урилган ўйини бу жамоалар ўртасидаги баҳсга тўғри келди (5:3)

- "Сўғдиёна" ўз майдонида 5 йилдан бери ОКМКни енгишни уддасидан чиқмаяпти (2019 йил 1:0). Жиззахдаги охирги 4 та ўйиннинг 2 дуранг, 2 мағлубият қайд этилган.

- Иван Бошкович шогирдлари иккинчи даврада уйда ҳали ғалаба қозонгани йўқ (2 дуранг, 1 мағлубият).

- "Сўғдиёна" ўзаро учрашувларда охирги бор 2021 йил олмалиқликлардан меҳмонда устун келган (1:0). Сўнгги 5 та тўқнашувнинг барчасида "кончилар" 3 очколик бўлишган.