Суперлига. Ой футболчиси - Жасур Ҳасанов

Рестартдан кейин эса ҳозирча учта турни ўтказдик. "Championat.asia" ижодий гуруҳи якунланиб бораётган июнь ойида ички чемпионатимизнинг энг яхшиларини аниқлади.

Суперлига. Ой мураббийи - Миржалол Қосимов

Ушбу ойда ўтказилган 3та турдан келиб чиқиб ойнинг энг яхши футболчиси деб "Сўғдиёна" клуби вингери Жасур Ҳасанов тан олинди. Жиззахликлар июндаги учта беллашувда 7 очко жамғаришди. "Сўғдиёна" уйда "Пахтакор"ни, меҳмонда эса "Локомотив"ни таслим этди. Ҳар иккала беллашувда ҳам Бақоев жамоасининг асосий ишни тажрибали Ҳасанов бажариб берди. 36 ёшли футболчи "шерлар"га қарши Норхоновни пас билан таминлаган, "темирйўлчилар" билан тўқнашувда жарима зарбасини қойилмақом тарзда ижро этди. Кейинроқ эса айнан унинг бурчакдан узатган тўпини Шайманов ўз дарвозасига киритиб қўйганди. Ҳасанов ўз ўйини билан жамоасини олдинга торта олди, ойда энг стабил ва ажойиб ўйин кўрсатган футболчи бўлди.

Шу тариқа Тошкент клубларига қарши ўйинларда асосий ролни бажариб берган Жасур Ҳасанов июнь ойининг энг яхши футболчиси деб топилди.

Маълумот учун Ҳасанов июндаги учта беллашувнинг барчасида иштирок этди. Майдонда 243 дақиқа ҳаракат қилган ярим ҳимоячи битта гол урди ва битта голли пас берди.

Ўзбекистон чемпионати турнир жадвали >>>>> СУПЕРЛИГА