Суперлига. Бугун Қўқон, Муборак ва Тошкентда ўйинлар бор

"Машъал" – "Қизилқум"
14 март 2020 йил. Муборак. Баҳром Вафоев номидаги стадион. 16:00
Ҳакамлар: Рустам Лутфуллин, Ҳусниддин Шодмонов, Александр Буров, Илья Илин
Назоратчи: Ғайрат Каримов
Комиссар: Шохруҳ Саид

Суперлигага қайтган "Машъал" бу тур Муборакда мавсумни кетма-кет иккита мағлубият билан бошлаган "Қизилқум"ни қабул қилади.

Шу кунга қадар мазкур жамоалар Ўзбекистон чемпионатида 30та ўйинда тўқнаш келишган. Натижалар мутлақо тенг. Икки жамоа ҳам 9тадан баҳсда ғолиб бўлган ва 12та учрашувда дуранг қайд этилган.

Бу жамоаларнинг сўнги ўзаро ўйинлари 2017 йилда кузатилган. Ўшанда "Қизилқум" уйида ўтган учрашувда мезбонлар 2:0 ҳисобида зафар қучишган, Муборакда эса "Машъал" ортиғи билан реванш олган - 4:0.

"Қўқон-1912" – "Сўғдиёна"
14 март 2020 йил. Қўқон. "Марказий" стадиони. 16:00
Ҳакамлар: Зокир Қодиров, Руслан Самандаров, Обид Жумаев, Шавкат Насибуллаев
Назоратчи: Константин Смирнов
Комиссар: Зоҳир Акрамҳонов

Бахтиёр Ашурматов бошчилигидаги "Қўқон-1912" ўз майдонида Улуғбек Бақоев бошчилигидаги "Сўғдиёна"ни қабул қилади.

Бу жамоалар ҳозирга қадар 28та ўйин ўтказишган. 13та баҳсда "Сўғдиёна" ғолиб бўлган. 8та учрашувда "Қўқон-1912"нинг қўли баланд келган. Қолган 7та ўйинда дуранг кузатилган. "Сўғдиёна" 44та гол урган ва 33та гол ўтказган.

2019 йилги мавсумда Жиззахда 2:2 ҳисоби қайд этилганди. Қўқонда эса "Сўғдиёна" 2:1 ҳисобида зафар қучган.

Охирги тўртта ўзаро ўйинда "Қўқон-1912" бу жамоага умуман мағлуб бўлмай келмоқда - 2 ғалаба ва 2 дуранг.

2017-2018 йилларда Ашурматов ва Бақоев биргаликда "Бухоро"да ишлашган.

"Пахтакор" – "Металлург"
14 март 2020 йил. Тошкент. "Пахтакор" стадиони. 18:15
Ҳакамлар: Жасур Мухторов, Санжар Шоюсупов, Алишер Усмонов, Ғайрат Жўраев
Назоратчи: Фарҳод Абдуллаев
Комиссар: Сардор Қудратуллаев

Бу мавсум мағлубиятга учрамаган икки клуб ўртасидаги баҳс.

Ушбу клублар ўртасидаги 46та ўйиннинг 38тасида пойтахт клуби ғолиб бўлган. 4та учрашувда Бекобод клуби зафар қучган бўлса яна 4та баҳсда ғолибни аниқлашнинг имкони бўлмаган. Бу ўйинларда “шерлар” 121та гол уришган ва 35та гол ўтказиб юборишган.

Ўзаро ўйинларнинг охирги 8тасида "Пахтакор" 8 марта ғалабага эришган. Сўнгги бор "Металлург" 2016 йилги мавсумда "шерлар"ни мағлуб этган эди.

Ўтган мавсум ҳар иккала ўзаро баҳсда ҳам Шота Арвеладзе бошчилигидаги жамоа 2:1 ҳисобларида ғолиб бўлган. "Пахтакор" айнан Бекободдаги ғалабадан кейин расман чемпионликка эришган эди.