Суперлига-2019. "Насаф-U23", "Бухоро" 3 йилга ёшарди, "Металлург" эса аксинча...
09 дек 2019 12:29
Новости

Суперлига-2019. "Насаф-U23", "Бухоро" 3 йилга ёшарди, "Металлург" эса аксинча...

2019 йилги Суперлига баҳслари якунлари ҳақида маълумот беришда давом этамиз.

Ўтган мавсумда энг ёш таркибга эга бўлган "Насаф" бу йил ҳам энг ёш жамоага айланди. Эътиборлиси Рўзиқул Бердиев таркибни яна бир ёшга ёшартиришга эришди. "Насаф"нинг ўртача ёши U-23га тенг бўлди.

Вадим Абрамов бошчилигидаги "Бунёдкор"нинг ўртача ёши 24,8ни ташкил этди. Бу 2019 йилги мавсумда иккинчи энг яхши натижа сифатида қайд этилди. Жадвалга эътибор қилсак, ўтган йилга нисбатан "Қалдирғочлар"нинг ҳам ўртача ёши ёшарганига гувоҳи бўлишимиз мумкин.

Бу борада учинчи ўрин "Бухоро"га насиб этди - 25,8. Эътиборлиси бухороликларнинг ўтган йилги натижаси 28,3 эди.

Бир йил олдин ўртача ёши 25,9 бўлган "Металлург"да бу кўрсаткич бир йил ўтиб 28,5га айланди ва Бекобод клуби 2019 йил Суперлигада энг фахрий жамоага айланди.

2018 йилда ўртача ёши 29,3ни ташкил этган "Қизилқум" бу йил тахминан бир ёшга ёшарди.

Клуб	2018 йил	2019 йил
"Нефтчи"	25,1	-
"Насаф"	23,8	22,8
"Бунёдкор"	25,4	24,8
"Бухоро"	28,3	25,8
"Динамо"	-	26
"Сўғдиёна"	25,5	26,2
"Пахтакор"	27,6	26,6
"Қўқон	27,3	26,7
"Локомотив"	28,4	27,3
"Навбаҳор"	27,4	27,6
"Андижон"	-	27,7
АГМК	28,6	27,9
"Сурхон"	-	28
"Қизилқум"	29,3	28,1
"Металлург"	25,9	28,5