Суперлига. 1-тур лауреатлари

Championat.asia тур баҳслари асосида тур лауреатларини аниқлади.

"Сўғдиёна" клуби илк турда "Бунёдкор" меҳмони бўлди ва 0:0 ҳисобида дуранг қайд этди. Ушбу баҳсда дуранг қайд этилишида жиззахликлар посбони Милан Митровичнинг ҳиссаси жуда катта бўлди. "Сўғдиёна" посбони Милан Митрович championat.asia сайти талқинига кўра 1-турнинг энг яхши дарвозабони деб топилди.

"Металлург" бу тур Бекободда АГМКни 1:0 ҳисобида мағлуб этди. Тўғри рақиб ўйиннинг кўпгина қисмида 10 киши бўлиб ўйнади, аммо бекободликлар ҳам чемпионликка курашадиган жамоага қарши яхши ўйнади. Шу боис Championat.asia сайти талқинига кўра, 1-турнинг энг яхши мураббийи Луисма Эрнандес бўлди.

Бу турда "Қизилқум" ярим ҳимоячиси Эркин Байдуллаев "Локомотив" билан баҳсда ажойиб гол урди ва тур голи муаллифига айланди.  

Гол уришдан ташқари Байдуллаев "Локомотив" билан баҳсда фаол ўйнади ва жамоаси ғалабасига катта ҳисса қўшди. Шу тариқа, Эркин Байдуллаев championat.asia талқинига кўра 1-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига