Стерлинг: “ЕЧЛда ғолиб чиқишга кучимиз етади”
11 авг 2020 01:19
Новости

Стерлинг: “ЕЧЛда ғолиб чиқишга кучимиз етади”

“Манчестер Сити” вингери Раҳим Стерлинг ЕЧЛ 1/8 финалида “Реал” (2:1) устидан қозонилган ғалабадан кейин ўз фикрлари билан ўртоқлашди.

“Биз ғалабага жудаям чанқоқ эдик. Ўйлашимча, рестартдан кейин барча бизнинг ғолиблик учун қандай кураш олиб бораётганимизни кўриб, билиб турибди. Ушбу турнирда муваффақиятли иштирок этишга кучимиз етади. Биз “Реал” билан бутун ўйин давомида буни кўрсатиб бердик.

Чемпионлар лигасида қатнашаётган жамоаларнинг ўйин сифати жуда юқори. Биз кучимизни тўғри тақсимлаган ҳолда ўз ўйинимизни намойиш этишимиз лозим.

Энг муҳими бу турнирда ҳар бир дақиқада ўзингизни 100 фоиз имкониятларингизни намойиш этишингиз лозим. Мусобақа янги форматда ўтказилмоқда ва биз бунга тайёрмиз. Жамоадошларимнинг қўлидан келадиган иш бу майдонга чиқиб, ўзини нималарга қодирлигини кўрсата олиш. Олдимиздаги ўйинлар бизнинг ҳақиқий ҳолатимизни – олдинга қадам босаяпмизми ёки бир жойда туриб қолганмизми, кўрсатиб беради”, деди Стерлинг “PA Sport”га берган интервьюсида.

Ссылка :

Источник : PA Sport

Получайте новости прямо в Telegram!

Рейтинг: +3